Taniela 5:30 - Tosi Tapu

³⁰ I le po fai lena, na tamate loa Pelesatesale, sau o le kau Kaletea.

Taniela 5:30 Iomraidhean Croise

Esaia 47:9

Ko nea ana e lua e soko fakapunamauli loa kiate koe, i le aso e tasi, Lau nofo sala fanau ti mo lau nofo lokonui ; E la vilo fakaagatonu loa kiate koe, Logo ai le mauke o au puleaki fakatemonio fuli, Logo ai le lasi o au fakalaulaakau.

Selemia 50:24

Na kau fakatuu kiate koe se masele, ti kua ke piki ia, Papilone, Kae na leaise ke iloa ; Kua maua a koe, kua too a koe, Talie na ke tau ki le Eteleno.

Selemia 51:11

Kotou fakamatakakai a gasau, Kotou too a paletau ! Kua fakamakeke e le Eteleno a loto o sau o Meti, Talie kua loto a ia ke maumaui Papilone ; Talie ko le lagavaka a le Eteleno, Le lagavaka o lona fale tapu.

Selemia 51:31

Kua fakafelavei a tagata ave tosi, Kua sosoko a tagata avelogo, O fakasa ki le sau o Papilone Kua too lona kolo mei potu fuli.

Selemia 51:39

Kae ka lotou kamata velaia loa, e kau fakainu loa latou, E kau fakainu loa latou ke konana, ke lotou fakafiafia, Ti ke lotou momoe o talu oki, e leaise lotou toe ala ake loa, e pati le Eteleno.

Selemia 51:57

E kau fakainu loa ona sau ke konana, Mo ona kau poto, mo ona kovana, mo ona pule, mo ona tagata solia ; E lotou momoe loa i se moe lee gato, ti e leaise lotou toe ala loa, E pati le sau, leia e suafa ko le Eteleno o kau tau.

Amosi 6:7

Koia leia e taki ai loa latou i mua o le kau popula ; Ti e gato loa a kalaga fiafia a le kau fai lafeti lena !