Taniela 5:23 - Tosi Tapu

²³ Na ke malaga ki aluga o agatuu ki le Aliki o le atu lagi ; ti na ke aumai a ipu o lona fale ki ou mua, ti na kotou inu ki ai le vino, e koe mo lau kau lalasi, mo au avaga, mo au feauaki ; na ke fakavikiviki ki atua siliva, mo aulo, mo kapa, mo ukamea, mo laakau, mo fatu, ala e leaise logo fua, e leaise tio fua, ti e leaise iloa fua se nea, kae na leaise ke fakakololiai le Atua leia e too ia i lona lima lau tukumanava ti mo ou ala fuli.

Taniela 5:23 Iomraidhean Croise

Senesi 14:19

Na tapuaki loa a ia kia Apalamo, o pati : Ke tapuakina Apalamo e le Atua Taualuga, ko le pule o le lagi mo le kele !

Senesi 2:7

Na fau loa e le Eteleno Atua le tagata mei le efu o le kele, ti na pupusi loa a ia ki ona pogoisu se tukumanava o le mauli, ti na liliu loa le tagata ko se laumalie mauli.

Lua tosi o Sau 14:10

Na ke tamate le kau Etome, ti kua malaga lou loto ki aluga. Fakafiafia ki lou malo, ti ke nofo i lou fenua. Kolea e ke oso ai ki se nea fakatupu tutamaki, leia e aumai ia loa le malaia kiate koe mo Suta ?

Sopo 12:10

E too e ia i lona lima le laumalie o nea fuli e mauli, Mo le tukumanava o tagata fuli.

Sopo 31:4

Pe na leaise iloa e le Atua oku ala ? Pe na leaise lau e ia oku lakaaga fuli ?

Pesalemo 104:29

E ke fufu ou mata : e lotou lulu ; E ke too lalatou tukumanava : e lotou mamate, O toe liliu ki le efu leia na lotou au mei ai.

Pesalemo 115:16

Ko le atu lagi ko le atu lagi a le Eteleno, Kae na soli e ia le kele ki vosa o le tagata.

Pesalemo 139:3

E ke iloa mo ka kau saele, ti mo ka kau moe, Ti e ke ulu ki oku ala fuli !

Pesalemo 146:4

E ano lalatou tukumanava, e lotou ulu ki le kele, Ti e pupuli noa alatou fakatuutuu i le aso fai lena.

Taagapati 20:24

Ko le Eteleno leia e taki ia lakaaga o le tagata, Kae ko le tagata, pe mafai ke iloa e ia lona ala ?

Esaia 13:11

E kau tautea loa le malama nei o tupu ko lana agasala, Ti mo le kau agaveli o tupu ko alatou agaveveli ; E kau fakagato loa le fia nealasi o le kau fia taualuga, Ti e kau tuuti loa le fia tagata o le kau agamakeke.

Esaia 14:13

Na ke pati i lou loto : E kau pale loa ki le lagi ; E kau siki loa loku ekeekeaga fakasau ke taualuga ake i fetuu a le Atua ; E kau tonatona loa i le mauga o le fakatasiga, I le potupotu o le noleto ;

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 33:10

E pati le Eteleno : I le aso nei e kau tuu loa ki aluga, I le aso nei e siki loa au ki aluga, I le aso nei e kau taualuga loa.

Esaia 37:19

ti na lotou laku olatou atua ki le afi ; kae na leaise ko ni atua latou, ko ni nea na fau e lima o le tagata ki ni laakau mo ni fatu ; ti kua lotou fakapuli latou.

Esaia 37:23

Ko ai leia na ke gologolo ki ai ti na ke lauveli ki ai ? Ko ai leia na ke masau leo lasi ki ai ? Kua ke siki ou mata ki aluga Ki le Sagato o Iselaele.

Esaia 42:5

Ko leinei le folafola a le Atua, le Eteleno, Leia na fakatupu ia le lagi ti na folasi ia a ia, Leia na fakatokatoka ia le kele mo nea fuli i ai, Leia na soli ia le tukumanava kia latou ala e mauli i ai, Ti mo le aele kia latou ala e saele i ai.

Selemia 10:23

E kau iloa, ei Eteleno ! E leaise pule le tagata ki lona ala ; E leaise ko le tagata leia e taki ia ona lakaaga Mo ka saele.

Selemia 48:26

Kotou fakainu a ia ke kona, talie na malaga a ia ki le Eteleno ! Ke fuliteka Moape i lona lulua, Ti ke liliu foki mo ia ko se nea fakagologolo !

Selemia 50:28

Kotou fakalogo ki tagi a latou ala e sosola, a latou ala e sosola i le fenua o Papilone, O fakasa i Sione le lagavaka a le Eteleno, lotatou Atua, Mo le lagavaka o lona fale tapu !

Selemia 50:29

Kotou kalagai ki Papilone le kau faikalolo, koutou fuli ala e poto i le kalolo ! Kotou takatakai a ia, ke aua na sao se tasi ! Kotou totogi kiate ia o mulimuli ki ana gaoi ! Kotou fai katoa kiate ia o mulimuli ki le nea na fai e ia ! Talie na malaga a ia i le fia nealasi ki le Eteleno, Ki le Sagato o Iselaele.

Esekiele 28:17

Na malaga ki aluga lou loto o tupu ko lou fulumalie, Na ke fakakelekele lou poto ki lou kololia ; E kau ti a koe ki le kele, E kau tuku a koe ki mua o sau ke lotou tio kiate koe.

Esekiele 28:2

Vosa o le tagata, pati ki le sau o Tile : E folafola le Aliki, le Eteleno, o pati : Kua malaga ki aluga lou loto, ti kua ke pati : E kau Atua, E kau ekeeke i le ekeekeaga o le Atua, i le manava o atu tai ! Ko koe, e ke tagata kae e leaise ke Atua, Ti e ke too lou finegalo ki le finegalo o le Atua.

Esekiele 28:5

I lou poto lasi mo lau fai koloa Na ke fakatupu o lasi ou koloa, Ti na malaga ki aluga lou loto o tupu ko ou koloa.

Esekiele 31:10

Koia e folafola ai le Aliki, le Eteleno, o pati : O tupu na malaga lona kuaga ki aluga, O tupu na malaga lona tumutumu i laakau fuli o le vaomatua, Ti na fia nealasi lona loto i lona taualuga,

Taniela 11:12

E fia nealasi loa le kakai i lena, ti e fia nealasi loa le loto o le sau ; kae logo ai le lau i afe mo afe o solia, e tamate loa latou, e leaise malo loa a ia.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Taniela 8:11

Na malaga loa a ia o kaku ki le pule o le kau tau, ti na too loa e ia le failaulau o aso taki tasi meiate ia, kae fakakelekele loa e ia le sagatualio.

Apakuki 2:4

Ko leinei, na makita lona laumalie, e leaise sako a ia iate ia ; Kae e mauli loa le tagata agatonu i lana tui.

Gaoi 17:25

ti e leaise tausi a ia e ni lima o tagata, o sakinake e aoga kiate ia se nea, a ia leia e soli ia ki tagata fuli le mauli, mo le tukumanava, ti mo nea fuli.

Uluaki tosi ki le kau Kolinto 8:4

O uiga mo le kai o inati kua momoli ki taulaatua, e tou iloa e leai ni taulaatua i le malama nei, ti e i ai se Atua fuai e tasi.

Uluaki tosi kia Timoteo 3:6

E leaise tonu ko se tasi leia nao tafoki foou, talie ke aua na makita a ia i le fia nealasi o vilo ki le fakamaau a Satana.

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.

Apokalipisi 9:20

Ko le toega o le kakai, latou ala na leaise mate i tautea ana, na leaise fakasemala loa ki gaoi o olatou lima, o fakagato lalatou atolasio ki temonio, ti mo taulaatua aulo, mo siliva, mo ukamea, mo fatu, ti mo laakau, ala e leaise feala ke tio, mo logo, mo saele ;

Tuifakamaau 16:23

I se aso, na fakatasi loa a pule o le kau Filisitini o momoli se sakilifisio lasi ki lolatou atua ko Takone, ti mo fakafiafia. Talie na lotou pati : Kua tuku e lotatou atua lotatou fili ko Samisoni ki otou lima.

Uluaki tosi a Samuele 17:26

Na pati loa Tavite ki tagata ala na tutuu i ona tafa : Kolea loa e fai ki leia e tamate ia loa le Filisitini lena, ti e sau ia loa le matagafua i Iselaele ? Ko ai le Filisitini lena, le pagani lena, ke tauvelei e ia le kau solia a le Atua mauli ?

Uluaki tosi a Samuele 17:36

Na fenaaki le tamate e lau tagata fakasausau o le laione mo le uluso, ti e toe fenaaki loa ki le Filisitini, le pagani lena, pe ki se tasi ake o latou, talie kua pati veli a ia ki le kau solia a le Atua mauli.