Taniela 5:19 - Tosi Tapu

¹⁹ O tupu ko le mauiga leia na tuku e le Atua Taualuga kiate ia, na i fuli a kakai, mo puleaga, mo tagata mei faasiga masau kesekese i ona mua. Na fakatotonu e le sau ke tamate latou ala e loto a ia ki ai, ti na tuku e ia le mauli kia latou ala na loto a ia ki ai ; na siki e ia ki aluga latou ala na loto a ia ki ai ; ti na tuku e ia ki lalo latou ala na loto a ia ki ai.

Taniela 5:19 Iomraidhean Croise

Lua tosi o Sau 25:28

Na masau loa a ia kiate ia i le agamalie, ti na siki loa e ia lona ekeekeaga fakasau ki aluga o le ekeekeaga o sau ala na nonofo mo ia i Papilone.

Taagapati 16:14

Ko le ita o le sau ko se tagata avelogo o le mate, Ti e tonu ke fakafimalie lona loto e se tagata poto.

Ekelesiasi 8:3

Aua na ke fakatavili o fakamamao meiate ia, ti aua na ke kau ki se nea leia e veli : talie e mafai e ia a nea fuli ala e loto a ia ki ai.

Esekiele 31:11

Ko leinei, na kau tuku a ia ki lima o le toa o atu puleaga, Leia e tautea ia loa a ia o mulimuli ki lona agaveli ; talie na kau kapu a ia.

Taniela 11:12

E fia nealasi loa le kakai i lena, ti e fia nealasi loa le loto o le sau ; kae logo ai le lau i afe mo afe o solia, e tamate loa latou, e leaise malo loa a ia.

Taniela 11:16

E tau loa le sau o le noleto kiate ia, ti e fai loa e ia le nea leia e loto a ia ki ai, ti e leaise tuu loa se tasi i ona mua ; e nofo loa a ia i le fenua manuia, o tamate a nea fuli ala e vilo ki lona lima.

Taniela 11:3

Kae e malaga loa se sau toe i Sava, leia e pule loa ki se puleaga lasi, ti e fai ia loa le nea leia e loto a ia ki ai.

Taniela 11:36

E fai loa e le sau le nea leia e loto a ia ki ai ; e malaga loa a ia ki aluga, ti e fia tuu loa a ia i aluga o atua fuli, ti e fai loa e ia ni masau fakavale ki le Atua o atua ; ti e manuia loa a ia o kaku ki le katoa o le sausau o le Atua, talie e soko loa le nea leia kua fakatuutuu.

Taniela 3:29

I le aso nei, ko leinei le fakatotonu leia e kau fai : Ko tagata fuli, mo kakai fuli, mo puleaga, mo masau fuli, e masau veli loa ki le Atua o Satalake, mo Mesake, mo Apeteneko, e tutuuti loa, ti e fakaliliu loa lona fale ko se tuuga penu, talie e leaise tasi ake atua leia e feala ke saofaki ia ofaipe ia.

Taniela 3:4

Na kalaga loa le pule o le fakatasiga o leo lasi : Kakai, mo puleaga, mo tagata mei masau fuli, ko leinei le nea leia e fakatotonu atu kia koutou !

Taniela 3:6

Ko leia e leaise punou loa ti e leaise atolasio loa ki le fakatata e ti loa a ia i le temi fai lena ki se gutuumu kaka.

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 4:19

Ti ko Taniela, leia e igoa ko Pelesatesale, na tuu noa mua i se ga temi, talie na sevaia lana fakakaukau. Ti na toe masau loa le sau, o pati : Pelesatesale, ke aua na ke i, o tupu ko le moe miti mo lona fakamatala ! Ti na tali loa Pelesatesale : Ei loku aliki, ke vilo le moe miti mo lona uiga ki ou fili !

Taniela 4:22

ko koe totonu a ia, ei sau, leia kua liliu o lasi mo makeke, ti kua kaku lou logologona lasi ki le lagi, ti kua kaku lau pule ki potupotu o le malama nei.

Apakuki 2:5

Tatau mo leia e kona mo matasoka, E leaise mafai ke fimalie le tagata fia nealasi ; E fakamavaa laulasi e ia lona gutu ofaipe le nofoaga o le kau mate, E leaise makona a ia i se temi ofaipe le mate, E aumai e ia kiate ia atu puleaga fuli, E fakatasi e ia ki ona tafa a kakai fuli.

Soane 19:11

Na tali loa Sesu : E leaise ke maua loa se pule kiate au, mo kanapau na leaise tuku atu a ia kiate koe mei aluga. Koia ko leia e tuku ia au kiate koe e fai ia se agasala lasi ake.

Loma 13:1

Ke fakataulalo a tagata fuli ki pule taualuga ; talie e leai se pule leia e leaise au mei le Atua, ti ko latou ala kua fakanofo, na fakanofo latou e le Atua.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;