Taniela 5:17 - Tosi Tapu

¹⁷ Na tali loa Taniela i mua o le sau : Taupau ou nea alofa, soli ki se tasi ake au moliga ; kae e kau lau loa le faitosi ki le sau, ti e kau fakamatala loa kiate ia lona uiga.

Taniela 5:17 Iomraidhean Croise

Senesi 14:23

E leaise kau too ia loa se nea i au nea fuli, tatau aifai pe ko sega filo e tasi, pe ko se vasai taka e tasi, o tupu ke aua na ke pati : Kua kau fakakoloa ia Apalamo. E leaise nea fua kiate au !

Lua tosi o Sau 3:13

Ti na pati loa Eliseo ki le sau o Iselaele : Kolea kua ke au ai kiate au ? Ano ki le kau polofeta o lou tamana mo le kau polofeta o lou tinana. Ti na pati loa le sau o Iselaele kiate ia : Leai ! talie kua fakatasii e le Eteleno a sau anei e toka tolu, o tupu ke soli e ia latou ki lima o Moape.

Lua tosi o Sau 5:16

Na tali loa Eliseo : E mauli le Eteleno leia e kau fakasausau ki ai ! E leaise kau tali loa se nea alofa. Na kole fakamakeke ake e Naamane ke tali e ia, kae na fakafiti a ia.

Lua tosi o Sau 5:26

Kae na pati loa Eliseo kiate ia : Na leaise puli loku laumalie i le temi leia na ifo ai le tagata lena mei lana saliote, o au ke fakafetaulaki mai kiate koe. Pe ko le temi leinei ke too ai ni paaga, mo ni nea lava, o tupu ke totogi ai ni faisaga olive, mo ni faisaga vite, mo ni ovi, mo ni pipi, mo ni tagata fakasausau, ti mo ni fafine fakasausau ?

Pesalemo 119:46

E kau masau loa ki au pelesepeto i mua o sau, Ti e leaise kau luma loa.

Taniela 2:6

Kae kapau e kotou fakasa mai kiate au le moe miti mo lona fakamatala, e kau soli loa kia koutou ni nea alofa, mo ni totogi, ti mo ni tuulaga mauiga. Koia kotou fakamatala mai ai kiate au le moe miti mo lona uiga.

Taniela 5:29

I le nea fai lena na fakatotonu loa e Pelesatesale ke fakatui kia Taniela le kofu kula, ke fakatau ki lona ua le kasoa aulo, ti na fakasa loa i le fenua e maua e Taniela le tuulaga tolu i le puleaga.

Gaoi 8:20

Kae na pati loa Petelo kiate ia : Ke puli lau paaga mo koe, talie kua ke pati e totogi paaga le nea alofa o le Atua !