Taniela 4:7 - Tosi Tapu

⁷ Ti na au loa le kau fai nea fakatalatupua, mo le kau sivi fetuu, mo le kau Kaletea, ti mo le kau kikite. Na kau fakamatala loa kia latou le moe miti, kae na leaise lotou fakasa mai kiate au lona uiga.

Taniela 4:7 Iomraidhean Croise

Senesi 41:24

Ti na folo loa e taulu fulumeto paao a taulu fulumeto fulumalilie e fitu. Ko lena laku moe miti ; kua oki i laku fakamatala ki le kau fai nea fakatalatupua, kae na leaise soli mai e se tasi lona fakamatala kiate au.

Senesi 41:8

I le usu, na mamae loa le laumalie o Falaone, ti na kalagai loa e ia a tagata fainea fakatalatupua fuli mo le kau poto fuli o Esipito. Ti na fakamatala loa e ia kia latou ana moe miti. Kae na leaise mafai ke fakamatala e se tasi a moe miti kia Falaone.

Pesalemo 37:35

Na kau tio ki le tagata agaveli i lona makeke katoa ; Na mafolafola a ia ofaipe se laakau sesega.

Esaia 44:25

E kau fakanoa ia a fakamailoga a kau polofeta loi, Ti e kau fakasa le valea o kau kikite ; E kau fakasolomuli le kau poto, Ti e kau fakaliliu lolatou iloa ko le valea.

Esekiele 31:3

Ko leinei, ko Asilia ko se sete lasi o Lipane ; Na fulumalilie ona laa, Na matotolu ona lau, ti na taualuga a ia, Ti na fakalaka lona tumutumu i laakau fuli.

Taniela 1:4

ni tama tupulaga lee mele fakatino, mo mata fulumalie, mo poto, mo atamai, ti na malie lolatou ako, ti na mafai ke gaoi i le fale o le sau, ti ke ako loa kia latou le faitosi mo le masau a le kau Kaletea.

Taniela 2:10

Na tali loa le kau Kaletea ki le sau : E leaise tagata ai i le malama nei e mafai ia ke fakasa le nea leia e kole e le sau ; ti na leikiaise sau e tasi, pe lasi feaki lona pule mo lona makeke, kua fakamaua ia se nea felaaki ki se masi, pe ko se tagata sivi fetuu pe ko se Kaletea.

Taniela 2:27

Na tali loa Taniela i mua o le sau, o pati : Ko le nea leia e kole e le sau ko se nea fakafufu, ti e leaise mafai e le kau poto, mo le kau sivi fetuu, mo le kau masi, mo le kau kikite, ke fakamatala ia ki le sau.

Taniela 2:7

Ti na lotou toe tali loa ki le sau o tua lua : Ke fakamatala mai fua e le sau le moe miti ki ana tagata fakasausau, ti e motou fakasa loa lona uiga.

Taniela 3:8

Kae i le temi totonu lena, na fakafeofi ake loa ni tagata Kaletea, o fakalakasala le kau Sutea.

Taniela 4:18

Ko lena le moe miti leia na kau fai, e au, sau ko Nepukatenesale. Ti ko koe, Pelesatesale, fakasa mai kiate au lona uiga, talie na leaise mafai e le kau poto fuli o loku puleaga ke lotou tuku mai a ia. Ko koe, e ke mafai a ia, talie e iate koe le laumalie o atua maokioki.

Taniela 5:7

Ti na kalaga loa le sau, o leo lasi, ke aumai latou ala e sivi ia a temi, mo le kau Kaletea, ti mo kau faikikite ; ti na pati loa le sau ki le kau poto o Papilone : Ko leia e lau ia loa le faitosi leinei ti mo fakamatala ia mai loa lona mauiga kiate au e fakakofu loa a ia ki le kofu kula, ti e fakatau loa se kasoa aulo ki lona ua, ti e maua loa e ia le tolu tuulaga o le puleaga.

Taniela 5:8

Na ulu ake loa ki fale le kau poto fuli a le sau ; kae na leaise mafai ke lotou lau le fai tosi ti mo fakamatala lona uiga ki le sau.