Taniela 4:3 - Tosi Tapu

³ E lalasi ai ana fakamailoga ! E makeke ai ana nea fakamanamana ! Ko lana fakatotonu ko se fakatotonu lee gato, ti e tuu lana pule i tautupu mo tautupu.

Taniela 4:3 Iomraidhean Croise

Sopo 25:2

A le Atua le mafimafi mo le pule fakaii ; E tuku e ia le tokamalie i ona ganea taualuga.

Pesalemo 104:24

E mauke ai au gaoiaga, ei Eteleno ! Na ke fai latou fuli i le poto. E apele le malama nei i au nea malilie.

Pesalemo 105:27

Na la fai loa ni nea fakatalatupua i lona makeke i loto malie o olatou fili, Io, na la fai loa ni milakulo i le fenua o Kami.

Pesalemo 145:13

Ko lau pule ko se pule i sekulo fuli, Ko lou makeke e lau i tautupu fuli.

Pesalemo 66:7

E pule a ia o lee gato i lona mafimafi, E tio ona mata ki atu puleaga : Ke aua na malaga ki aluga le kau agatuu ! - Manava.

Pesalemo 72:18

Ke fakafetai ki le Eteleno Atua, le Atua o Iselaele, Leia toka tasi e fai ia ni nea fakatalatupua !

Pesalemo 77:19

Na pa loa lou mana i le asesio, Na fakamalama loa e uila le malama nei katoa ; Na lulu loa le kele i le i.

Pesalemo 86:10

Talie e ke lasi, ti e ke fai ni nea fakatalatupua ; Ko koe toka tasi, e ke Atua.

Pesalemo 92:5

E ke fakafiafia au ki au gaoi, ei Eteleno ! Ti e kau sua i le fiafia lasi le gaoiaga o ou lima.

Esaia 25:1

Ei Eteleno ! ko koe ko loku Atua ; E kau fakavikiviki loa kiate koe, e kau sua loa lou suafa, Talie kua ke fai ni nea fulumalilie ; Kua soko katoa au fakatuutuu i mua.

Esaia 28:29

E au foki le nea lena mei le Eteleno o kau tau ; E fulumalie ai ana fakatuutuu, ti e lasi ai lona poto.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.

Taniela 2:2

Koia na kalagai ai loa e le sau le kau fai nea fakatalatupua, mo latou ala e sivi ia le anoaga o le temi, mo latou ala e fai nea fakatemonio, ti mo le kau Kaletea, ke lotou fakasa ake kiate ia ana moe miti. Na lotou au loa, o tuu i mua o le sau.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Taniela 7:27

Ko le sau, mo le pule, ti mo le kololia o puleaga fuli i lalo o le lagi, e soli loa ki le kakai o le kau sagato a le Taualuga. Ko lona puleaga ko se puleaga lee gato, ti e tausi loa a pule fuli kiate ia mo fakalogo loa kiate ia.

Loma 11:33

Oiau ! le loloto o koloa, mo le poto, ti mo le iloa o le Atua ! Ko ai e mafai ke fakamatala ia ana fakamaau, ti ko ai e mafai ke iloa ia ona ala ! Ofaipe le fakasa e le Tosi

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !

Epelo 1:8

Kae na pati a ia ki le Alo : Ko lou ekeekeaga fakasau, ei Atua, e lee gato ; Ko le tokotoko o lou pule ko se tokotoko maokioki ;

Epelo 2:4

ti na fakamaoki foki le Atua kia latou i ni fakamailoga, mo ni nea fakaofolele, mo ni milakulo kesekese, ti mo ni nea alofa o le Laumalie Maokioki ala na tufaki o mulimuli ki lona finegalo.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.