Taniela 4:27 - Tosi Tapu

²⁷ Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Taniela 4:27 Iomraidhean Croise

Senesi 11:4

Na lotou toe pati loa : Tou tutuu ki aluga, ti tou fakatuu se kolo mo se tule leia e tau lona tumutumu ki le lagi ; ke logo ai lotatou igoa, ti ke aua na tou mavetevete loa i aluga o le malama nei katoa.

Uluaki tosi o Sau 21:29

Pe kua ke tio ki le fakataulalo a Akapo i oku mua ? Talie kua fakataulalo a ia i oku mua, e leaise kau tuku loa le malaia i le temi o lona mauli, kae kau fakavilo loa a ia ki lona fale i le lolotoga o le mauli o lona vosa.

Pesalemo 119:46

E kau masau loa ki au pelesepeto i mua o sau, Ti e leaise kau luma loa.

Taagapati 11:2

Ka soko le fia nealasi, ti e toe soko foki mo le luma ; Kae e nofo le poto i le agamalu.

Taagapati 16:6

I le agamalie mo le agatonu e fakamolemole ai ki le agaveli, Ti i le i ki le Eteleno e tafoki ai mei le veli.

Taagapati 28:13

Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Esaia 10:13

Talie e pati a ia : Na kau fai a nea anei i le makeke o loku lima, Ti mo loku poto, talie e kau atamai ; Na kau fetogi a koiga o atu puleaga, ti na kau too olatou koloa ; Ofaipe se tagata toa, na kau fakaifo latou fuli ala na eke i ekeekeaga fakasau ;

Esaia 47:10

Na ke fanaki ki lou agaveli, Na ke pati : E leaise tio mai se tasi kiate au ! Ko lou poto mo lou atamai na fakasese ia a koe. Ti na ke pati i lou loto : Ko au fai, ti ko au fai toka tasi !

Esaia 47:8

Fakalogo mai i le lakaga nei ki le nea leinei, taine fia aliki, A koe leia e ekeeke fia fafine, Ti e pati i lou loto : Ko au fai, ti ko au fai toka tasi ! E leaise kau lokonui loa i se aso, Ti e leaise kau sala fanau loa i se aso !

Selemia 29:7

Kotou afa le malie o le kolo leia kua kau ave popula koutou ki ai, ti kotou kole ki le Eteleno le malie o le kolo, talie e fakalogo lokoutou manuia ki lona manuia.

Selemia 38:20

Ti na tali loa Selemia : E leaise tuku loa a koe kia latou. Fakalogo ki le leo o le Eteleno i le nea leinei kua kau fakasa kiate koe ; e ke maua loa i ai le malie, ti e ke mauli loa.

Esekiele 18:7

Leia e leaise fakamakeke ia se tasi, leia e liufaki ia ki le tagata tuu maua lana nea fakamaoki, leia e leaise kaia ia se tasi, leia e soli ia lana pane ki leia e fia kai ti e fakalava ia leia e telefua,

Esekiele 29:3

Masau, ti ke pati loa : E folafola le Aliki, le Eteleno, o pati : Ko leinei, e kau mamafa kiate koe, Falaone, sau o Esipito, Kolokotile lasi, leia e moe i loto malie o ou vaitafe, Leia e pati : Ko loku vaitafe, ko au leia na fai ia a ia !

Esekiele 29:9

Ti e lavaki loa mo vaoa le fenua o Esipito. Ti e lotou iloa loa ko au ko le Eteleno, Talie na pati a ia : Ko le vaitafe a aku, ko au leia na fakatupu ia a ia !

Soele 2:14

Ko ai e iloa ia pe leaise toe tafoki loa a ia ti e fakasemala loa a ia, Pe leaise tuku loa e ia le tapuakina i ona muli ? Ti e feala loa ke kotou momoli ni failaulau mo ni lipasio ki le Eteleno, lokoutou Atua.

Amosi 6:13

E kotou fakafiafia ki le nea leia e noa, E kotou pati : Pe leaise ko lomatou makeke Leia na motou maua ai le malo ?

Sonasi 3:9

Ko ai e iloa ia, pe leaise toe tafoki loa le Atua o fakasemala, ti mo fakafiti loa a ia ki lona sausau lasi, ti e feala loa ke aua na tou mamate ?

Apakuki 1:11

Ti e liuga tua lua e ia lona makeke, E soko atu e ia lana saele, ti e asilisili ake lana agasala. Ko lona makeke o ona, ko lena lona atua !

Sofoni 2:15

Ko lena le ikuaga o le kolo fiafia lena, Leia na tonatona fakafulufulumalie, Ti na pati i lona loto : Ko au, ti ko au fai ! Kolea kua soko, kua maumau a ia, Kua liliu a ia ko se nofoaga o manu ! Ko latou fuli ala e fakalaka loa i ona tafa E mapu loa mo pasipasi loa olatou lima.

Mateo 3:8

Kotou fakatupu mua se fua leia e gali ti mo feauga mo le fakasemala,

Luka 11:41

E malie ake ke kotou soli ki le kau mativa le nea leia e tuku i loto o akoutou ipu mo akoutou pa, ti e mea loa a nea fuli kia koutou.

Gaoi 24:25

Kae i le masau a Paulo ki le faitotonu, mo le oli veli, ti mo le fakamaau fakamuli, na lulu loa Felise, o pati kiate ia : Ano, kua feauga le aso nei ; ka kau toe maua loa se tasi faigamalie, ti e kau toe kalagai atu loa a koe.

Gaoi 26:20

kae na kau fakasa kia latou ala i Tamaso mua, mo latou ala i Selusalemi, mo latou ala i le fenua katoa o Sutea, ti mo le kau pagani, ke lotou fakasemala ti ke lotou tafoki ki le Atua, o fai a gaoi ala e gali mo le fakasemala.

Gaoi 8:22

Koia ke ke fakasemala ki lau agaveli, o faikole ki le Aliki ke fakamolemole ki le manatu o lou loto, mo kapau e feala ;

Lua tosi ki le kau Kolinto 5:11

I lama iloa le sausau o le Aliki, e ma faiga ke fakalotoi a tagata ; e iloa maua e le Atua, ti e kau amanaki e kotou iloa foki maua i okoutou loto.

Kalate 5:13

Fetaina, kua kalagai koutou ki le lauatea ; kae ke aua fua na kotou fakaliliu le lauatea lena ko se faigamalie ke kotou mauli ai i le kanofi ; kae ke kotou liliu, i le alofa, ko ni tagata fakasausau a la ki la.

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Efeso 4:28

Ko leia na kaia ke aua na toe kaia a ia ; kae ke gaoi a ia, o fai ki ona lima le nea leia e malie, ke maua se nea leia ke soli ki leia e mativa.

Tetelonome 24:13

ke ke fakaliliu a ia kiate ia i le vilo o le laa, o tupu ke moe a ia i lona taupulupulu ti ke tapuaki a ia kiate koe : e liliu loa le nea lena kiate koe ko se gaoi malie i mua o le Eteleno, lou Atua.

Tetelonome 32:27

Kae na kau i na gologolo loa olatou fili kiate au, Ti mo lotou pati loa ko latou ala na fai ia le nea lena, O lotou manatu loa na leaise fai e loku lima a nea fuli ana.

Tetelonome 8:17

Ke aua na ke pati loa i se aso i lou loto : ko loku makeke mo le makeke o loku lima leia kua kau maua ai a koloa anei.

Uluaki tosi a Petelo 4:8

I mua o nea fuli, ke kotou maua i okoutou vasaa se alofa vevela, talie E uufi e le alofa ni agasala lasi ai.