Taniela 4:21 - Tosi Tapu

²¹ ko le laakau lena, leia na lau fulumalie ti na fua lasi, leia na maua ia se nea kai ki tagata fuli, leia na fakamalumalu ai a manu o le vao i ona lalo ti na faiofaga ai a manu lele o le lagi i ona laa,

Taniela 4:21 Iomraidhean Croise

Pesalemo 104:17

Ko le ganea lena e fai ai a ofaga o manu lele ; E maua e le amatuku lona nofoaga i sipele.

Esekiele 17:23

E kau to loa a ia i se mauga taualuga o Iselaele ; ti e toe sosomo loa ni ona laa ti e toe fua loa a ia ; ti e liliu loa a ia ko se sete fulumalie. E malolo loa a manu lele kesekese fuli i ona lalo, ti e malolo loa a manu fuli ala e mua ni olatou kapakau i le malu o ona laa.

Esekiele 31:6

Na fai ofaga a manu lele fuli o le lagi i ona laa, Na fanaunau a manu fuli o le vao i lalo o ona laa, Ti na nonofo ni puleaga mauke i lona malu.

Taniela 2:38

kua toe soli foki e ia ki ou lima, i ganea fuli ala e lotou nonofo ai, a fanau a tagata, mo manu o le vao, mo manu lele o le lagi, ti kua tuku e ia kiate koe le pule kia latou fuli : ko koe leia ko le fa ulu aulo.

Taniela 4:11

Na liliu loa le laakau lena o lasi mo makeke, ti na malaga loa lona tumutumu o kaku ki le lagi, ti na tio loa kiate ia mei potupotu o le malama nei katoa.

Taniela 4:20

Ko le laakau leia na ke tio ki ai, leia na liliu o lasi mo makeke, ti na malaga lona tumutumu o kaku ki le lagi, ti na tio kiate ia mei potupotu o le malama nei katoa ;

Taniela 4:22

ko koe totonu a ia, ei sau, leia kua liliu o lasi mo makeke, ti kua kaku lou logologona lasi ki le lagi, ti kua kaku lau pule ki potupotu o le malama nei.

Luka 13:19

E tatau le puleaga o le Atua mo se fa fatui sinapi leia e too e se tagata o ti ki lona oloto ; e somo a ia, o liliu ko se laakau lasi, ti e nonofo loa a manu lele o le lagi i ona laa.