Taniela 4:11 - Tosi Tapu

¹¹ Na liliu loa le laakau lena o lasi mo makeke, ti na malaga loa lona tumutumu o kaku ki le lagi, ti na tio loa kiate ia mei potupotu o le malama nei katoa.

Taniela 4:11 Iomraidhean Croise

Senesi 11:4

Na lotou toe pati loa : Tou tutuu ki aluga, ti tou fakatuu se kolo mo se tule leia e tau lona tumutumu ki le lagi ; ke logo ai lotatou igoa, ti ke aua na tou mavetevete loa i aluga o le malama nei katoa.

Esekiele 31:12

Na sele a ia, o tiaki i lalo, e ni kau matapule, Latou ala e agamakeke i kakai fuli ; Na vivilo ona laa i mauga mo vaivailiua fuli, Na fatifati ona taulu i vanu fuli o le fenua ; Ti na sosola le kakai katoa o le malama nei i lona malu, Ti na lotou tiaki a ia.

Esekiele 31:5

Koia leia e malaga ai lona kuaga o taualuga i laakau fuli o faisaga, Na liuliuga ona laa, na mafolafola ona taulu, O tupu ko le lasi o le vai leia na fakavai ia a ia.

Mateo 11:23

Ti ko koe, Kafanaume, pe ke malaga loa o kaku ki lagi ? E leai, e tuku loa a koe ki lalo, o kaku ki le nofoaga o le kau mate ; talie kanapau na fai i Sotoma a milakulo ala na fai i loto malie o ou, koi tuu nei a ia i le aso nei.

Tetelonome 9:1

Ke ke fakalogo, Iselaele ! E ke fakalaka loa i le aso nei i le Solotane, o ano loa o maua ni puleaga ala e lalasi ake mo makeke ake iate koe, mo ni kolo lalasi ala kua fakamakeke o kaku ki le lagi,