Taniela 3:6 - Tosi Tapu

⁶ Ko leia e leaise punou loa ti e leaise atolasio loa ki le fakatata e ti loa a ia i le temi fai lena ki se gutuumu kaka.

Taniela 3:6 Iomraidhean Croise

Senesi 19:28

Na tagaki loa ona mata ki le fetuu o Sotoma mo Komola, ti mo le fenua laumalie katoa ; ti ko leinei, na tio loa a ia e malaga ake i le kele se afu ofaipe se afu o se vela lasi.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Esaia 44:17

Kae e fai e ia ki le toe o le laakau se atua, lona taulaatua. E punou a ia i ona mua, e atolasio a ia ki ai, e faikole a ia ki ai, Ti e kalaga a ia ki ai : Fakamauli au ! Talie ko koe ko loku atua !

Selemia 29:22

E la liliu loa ko ni nea fakatakuga malaia i le kau popula o Suta ala i Papilone, o pati : Ke tautea a koe e le Eteleno ofaipe Setesiasi mo Akapo, ala na tutu mauli e le sau o Papilone !

Taniela 2:5

Ti na toe masau loa le sau, o pati ki le kau Kaletea : E leaise koi kau manatui a ia ; kapau e leaise kotou fakamatala mai kiate au le moe miti mo lona uiga, e tuutuu fakalikiliki loa koutou, ti e fakaliliu loa okoutou fale ko ni tuuga penu.

Taniela 3:11

ti ko leia e leaise punou loa ti e leaise atolasio loa, e ti loa a ia ki se gutuumu kaka.

Taniela 3:15

I le lakaga nei, ke kotou teuteu ! ka kotou logo loa ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, ke kotou punou loa o atolasio ki le fakatata leia na kau fakatuu ia ; kapau e leaise kotou atolasio loa ki ai, e ti loa koutou i le temi fai lena ki se gutuumu kaka. Ti ko le atua fea loa leia e saofaki ia loa koutou mei loku lima ?

Taniela 3:21

Ti na saisai loa a tagata ana mo olotou vavae, mo olotou kofu loloa, mo olotou taupulupulu ti mo la ake a kofu, ti na ti loa latou ki loto o le gutuumu kaka.

Taniela 3:7

Koia ka logo ai loa a kakai fuli ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, e punou loa le kakai katoa, mo puleaga, mo tagata mei masau fuli, o atolasio ki le fakatata aulo leia na fakatuu e le sau ko Nepukatenesale.

Taniela 5:19

O tupu ko le mauiga leia na tuku e le Atua Taualuga kiate ia, na i fuli a kakai, mo puleaga, mo tagata mei faasiga masau kesekese i ona mua. Na fakatotonu e le sau ke tamate latou ala e loto a ia ki ai, ti na tuku e ia le mauli kia latou ala na loto a ia ki ai ; na siki e ia ki aluga latou ala na loto a ia ki ai ; ti na tuku e ia ki lalo latou ala na loto a ia ki ai.

Taniela 6:7

Kua loto tasi fuli a pule o le puleaga, mo le kau minisi, mo le kau aliki, mo le kau fono, ti mo kovana, ke fai se fakatotonu fakapuleaga e le sau ti mo se tapu mamafa leia e fakasa ia, ko le tagata leia, i lolotoga o aso e kau tolu e faikole loa ki se atua kese pe ko se tagata kese, e ti loa ki le popoko o laione ; e gato tasi fai kiate koe, ei sau, e faikole loa ki ai.

Mateo 13:42

ti e lotou laku loa latou ki le afi kaka, leia e logo ai loa ki ni tagi mo ni fetati o nifo.

Mateo 13:50

ti e lotou laku loa le kau agaveli ki le afi kaka, leia e logo ai loa ki ni tagi mo ni fetati o nifo.

Mateo 4:9

ti na pati loa a ia kiate ia : E kau soli atu loa kiate koe a nea fuli ana mo kapau e ke tulolo o atolasio mai kiate au.

Maleko 6:27

Na kakau aifai e ia ki le fale pilisoni se tagata leo, mo le fakatotonu ke aumai le fa ulu o Soane-Patita.

Apokalipisi 14:11

Ti e pale loa le afu o le afi leia e fakamamae ia latou o kaku ki sekulo mo sekulo ; ti e leaise tuku se malolo i se ao mo se po kia latou ala e su ki le manu fekai mo lona fakatata, ti mo leia e maua ia le fakamailoga o lona igoa.

Apokalipisi 9:2

ti na fakamavaa loa e ia le sosoni o le vanu. Ti na pale ake loa mei le sosoni se afu, ofaipe le afu o se gutuumu kaka ; ti na fakapouli loa le laa mo le aele i le afu o le sosoni.