Taniela 3:25 - Tosi Tapu

²⁵ Na toe pati loa a ia : Ko leinei, e kau tio ki tagata e toka fa, e leai ni olatou sai, ti e saele i loto malie o le afi, ti e leaise tasi fua ia latou kua vela sona ganea ; ti e fai le fa o tagata pe se Alo o le Atua.

Taniela 3:25 Iomraidhean Croise

Sopo 1:6

Kae i se aso, na au loa a vosa o le Atua ki mua o le Eteleno, ti na au foki Satana i loto malie o latou.

Sopo 38:7

Kae pasipasi mo sua fiafia a fetuu o le mafoata, kae kalaga fiafia a vosa fuli o le Atua ?

Sopo 5:19

E fakamauli loa e ia a koe i le mamae o tua ono, Ti e leaise lave loa le veli kiate koe o tua fitu.

Pesalemo 34:7

Ka tagi se tagata e mamae, e logo le Eteleno, Ti e fakamauli e ia a ia i ona mamae fuli.

Taagapati 30:4

Ko ai na pale ki le atu lagi, ti ko ai na ifo mei ai ? Ko ai na tanaki ia le matagi i lona lima ? Ko ai na fakamaopoopo ia a atu vai i lona kofu ? Ko ai na fakatuu ia a potupotu o le malama nei ? Ko ai lona igoa, ti ko ai le igoa o lona vosa ? Pe ke iloa a ia ?

Esaia 43:2

Kapau e ke ano i atu vai, e kau nofo loa mo koe ; Ti kapau e ke ano i ni vaitafe lalasi, e leaise ke ogo loa ; Kapau e ke saele i le afi, e leaise ke vela loa, Ti e leaise tutu loa a koe e le ula.

Selemia 1:19

E lotou tau loa kiate koe, kae e leaise lotou malo loa iate koe ; talie e pati le Eteleno : E kau nofo mo koe o saofaki a koe.

Selemia 1:8

Aua na ke i kia latou, talie e kau nofo mo koe o saofaki a koe, e pati le Eteleno.

Selemia 15:21

E kau saofaki loa a koe i le lima o le kau agaveli, E kau fakamauli loa a koe i lima o le kau agamakeke.

Taniela 3:18

Kapau e leai, ke ke iloa, ei aliki sau, e leaise motou tausi loa ki ou atua, ti e leaise motou atolasio loa ki le fakatata aulo leia na ke fakatuu ia.

Taniela 3:24

Ti na oso loa le sau ko Nepukatenesale o tuu ki aluga i le lasi o lona i. Ti na pati loa a ia ki lana kau fono : Pe na leaise tou ti koia ki le afi ni tagata e toka tolu kua saisai ? Na lotou tali loa ki le sau : E io, ei aliki sau !

Taniela 3:28

Ti na masau loa Nepukatenesale, o pati : Ke manuia le Atua o Satalake, mo Mesake, mo Apeteneko, leia na kakau ia mai lona aselo ti na saofaki ia ana tagata fakasausau ala na fanaki kiate ia, kae na maumaui ia le fakatotonu a le sau. Na lotou malie ia ake le momoli o olatou tino i lalatou tausi mo atolasio ki se tasi ake atua kese.

Taniela 6:23

Ti na fiafia lasi loa le sau, ti na fakatotonu loa e ia ke too ake Taniela mei le popoko. Ti na too ake loa Taniela mei le popoko, ti na leaise maua fua iate ia se lavea, talie na fanaki a ia ki lona Atua.

Maleko 16:18

e lotou too loa ni gata ; ti kapau e lotou inu ni nea inu mateia, e leaise soko loa se veli kia latou ; e lotou teki loa olatou lima ki le kau masaki, ti e mauli loa le kau masaki.

Luka 1:35

Na tali loa le aselo kiate ia : E au loa le Laumalie Maokioki kiate koe, ti e fakamalumalu loa a koe e le mafimafi o le Taualuga. Koia e fakaigoa ai loa le fanau maokioki leia e tupu loa meiate koe ko le Alo o le Atua.

Gaoi 28:5

Kae na tuui loa e Paulo le manu ki le afi, ti na leaise logoi fua e ia se mamae.

Loma 1:4

leia na fakasa fakamakeke ko le Alo o le Atua e le Laumalie Maokioki i lana toe tuuake mei le kau mate, Sesu-Kilisito, lotatou Aliki ;

Uluaki tosi a Petelo 3:13

Ti ko ai ka fakaveliveli loa kia koutou, mo kapau e kotou mafi i le fai o le malie ?