Taniela 3:21 - Tosi Tapu

²¹ Ti na saisai loa a tagata ana mo olotou vavae, mo olotou kofu loloa, mo olotou taupulupulu ti mo la ake a kofu, ti na ti loa latou ki loto o le gutuumu kaka.

Taniela 3:21 Iomraidhean Croise

Senesi 39:20

Ti na pati loa a ia ke too Sosefo, o ti ki le fale pilisoni, ki le ganea leia e nofo ai le kau pilisoni a le sau : Ti na nofo loa Sosefo i le fale pilisoni.

Selemia 29:22

E la liliu loa ko ni nea fakatakuga malaia i le kau popula o Suta ala i Papilone, o pati : Ke tautea a koe e le Eteleno ofaipe Setesiasi mo Akapo, ala na tutu mauli e le sau o Papilone !

Taniela 3:20

Ti na fakatotonu loa e ia ki ni iki i le kau tagata makeke o lona kau solia ke saisai Satalake, mo Mesake, mo Apeteneko, ti ke ti latou ki le gutuumu kaka.

Taniela 3:27

Ti na fakatasi ake loa le kau aliki, mo le kau minisi, mo le kau kovana, ti mo le kau fono a le sau ; ti na lotou tio loa na leaise maua fua e le afi sona makeke ki tino o tagata ana, ti na leaise masunu fua olatou fului ulu, ti na leaise vela fua olatou vavae, ti na leaise tau fua le sauga o le afi kia latou.

Taniela 3:6

Ko leia e leaise punou loa ti e leaise atolasio loa ki le fakatata e ti loa a ia i le temi fai lena ki se gutuumu kaka.

Mateo 13:42

ti e lotou laku loa latou ki le afi kaka, leia e logo ai loa ki ni tagi mo ni fetati o nifo.