Taniela 3:13 - Tosi Tapu

¹³ Koia na itaita veli ai loa Nepukatenesale, ti na fakatotonu loa e ia ke aumai Satalake, mo Mesake, mo Apeteneko. Ti na aumai loa a tagata ana ki mua o le sau.

Taniela 3:13 Iomraidhean Croise

Senesi 4:5

Kae na leaise tali loa e ia a Kaino mo lana failaulau. Na ita loa Kaino, ti na mata mamae loa a ia.

Taagapati 17:12

E malie ake le felavei mo se uluso fafine kua too ona uviki, I le felavei mo se tagata valea i lona temi valea.

Taagapati 27:3

E mamafa le fatu ti e mamafa le one ; Kae e mamafa ake le ita o le vale i leia mo leia.

Taagapati 29:22

E fakatupu e le tagata itaita ni fefele, Ti e fai e le tagata loto oso ni agasala lasi.

Taniela 1:7

Na soli loa e le pule o le kau enuke ni igoa kia latou, kia Taniela le igoa ko Pelesatesale, kia Anania leia ko Satalake, kia Misaele leia ko Mesake, kia Asalia leia ko Apeteneko.

Taniela 2:12

I le nea lena na itaita lasi le sau. Ti na fakatotonu loa e ia ke tamate le kau poto fuli o Papilone.

Taniela 3:19

I le nea lena na toe veli ake loa le itaita o Nepukatenesale, ti na tio faikese loa ona mata kia Satalake, mo Mesake, mo Apeteneko. Na toe masau loa a ia o fakatotonu ke fakavevela le gutuumu o tua fitu ake lona makeke i le fai masani.

Mateo 10:18

e taki loa koutou, o tupu ko au, ki mua o ni kovana, ti mo ni sau, ke kotou liliu ko ni fakamaoki kia latou ti mo le kau pagani.

Maleko 13:9

Kotou tokaga kia koutou totonu. E ave loa koutou ki telepinale, ti e sasa loa koutou ki ni laakau i sinakoka ; e kotou tutuu loa i mua o ni kovana ti mo ni sau, o tupu ko au, talie ke kotou fakasa le maoki kia latou.

Luka 21:12

Kae, i mua o nea fuli ana, e too loa koutou, ti e fakavelivelii loa koutou ; e ave loa koutou ki ni sinakoka, e laku loa koutou ki ni pilisoni, e ave loa koutou ki mua o ni sau mo ni kovana o tupu ko loku suafa.

Luka 6:11

Kae na lotou apele loa i le ita, ti na lotou fakakaukau loa pe kolea ke lotou fai kia Sesu.

Gaoi 24:24

I le sili o ni iki a aso, na au loa Felise mo lana avaga ko Tulusila, leia ko se fafine Sutea, ti na kalagai loa e ia Paulo. Na fakalogo loa a ia kae masau loa Paulo ki le tui kia Kilisito.