Taniela 3:1 - Tosi Tapu

¹ Na fai loa e le sau ko Nepukatenesale se fakatata aulo, ko lona taualuga ko meta e kau tolu, ti ko lona lau lasi ko meta e tolu. Na fakatuu loa e ia a ia i le potu laumalie o Tula, i le fenua o Papilone.

Taniela 3:1 Iomraidhean Croise

Uluaki tosi o Sau 12:28

I le oki o lana afa tokoi, na fai loa e le sau ni pipi aulo e lua, ti na pati loa a ia ki le kakai : Kua fualoa ai lakoutou tau pale ki Selusalemi ; Iselaele ! ko leinei lou atua, leia na fakamavae ia a koe mei le fenua ko Esipito.

Esitele 1:1

Na soko le isitolia leinei i le temi o Asuelusi, le Asuelusi leia na pule i Initia o kaku ki Etiopia ki fenua e kau lelau kau lua tupu fitu.

Pesalemo 135:15

Ko taulaatua o atu puleaga ko le siliva mo le aulo Ko gaoiaga latou o lima o le tagata.

Ekesote 20:23

Aua na kotou fai loa ni taulaatua siliva, pe ko ni taulaatua aulo ke kotou fakatatau mo au, o kotou tausi loa kia latou ; aua na kotou fai loa ni taulaatua.

Ekesote 32:31

Na toe liliu loa Moisese ki le Eteleno, o pati : Kua fai e le kakai leinei se agasala lasi. Na lotou fai se atua aulo kia latou.

Esaia 2:20

I le aso lena, e tiaki loa e tagata Olatou taulaatua siliva mo olatou taulaatua aulo, Ala na lotou fau ke lotou atolasio ki ai, ki kimoa mo pekapeka ;

Esaia 30:22

E ke tio loa ki le kelekele o le siliva leia e kofu ai okoutou fakatata Ti mo le aulo leia e teuteu ai latou. E ke tiaki loa a momo o fakatata ofaipe ni penu, Ti e ke pati loa : Penu, mavae i leinei !

Esaia 46:6

Ko leinei e lotou liligi le aulo mei lalatou taga paaga, Ti e lotou fua le mamafa o le paaga i le fua. E lotou totogi se tagata tufuga ukamea ke fai ia ki le aulo mo le paaga se atua, Ti e lotou punou i ona mua, o atolasio ki ai.

Selemia 10:9

E aumai mei Talesisi ni laui siliva, ti mei Ufasi se aulo. E fau latou e le tagata gaoi ti mo le lima o le tagata gaoi ukamea. Ko kofu o atua ana ko ni kie na pena usi ti na pena kula, Ko le gaoiaga fuli latou a ni tagata popoto.

Selemia 16:20

Pe mafai ke fai e le tagata ni atua, ala e leaise ko ni atua ?

Taniela 2:48

Ti na siki loa e le sau ki aluga Taniela, ti na soli loa e ia kiate ia ni nea alofa mauiga mo lasi ai ; na soli loa e ia kiate ia le pule o le fenua katoa o Papilone, ti na fakanofo loa e ia a ia ko le pule lasi o le kau poto fuli o Papilone.

Taniela 2:49

Na kole loa e Taniela ki le sau ke tuku ake le pule o le fenua o Papilone kia Satalake, mo Mesake, mo Apeneteko. Kae na nofo loa Taniela i le matapa o le sau.

Taniela 3:14

Ti na masau loa Nepukatenesale, o pati kia latou : Pe maoki, Satalake, mo Mesake, mo Apeteneko, e leaise kotou tausi ki oku atua, ti e leaise kotou atolasio ki le fakatata aulo leia na kau fakatuu ia ?

Taniela 3:30

I le oki o le nea lena, na siki loa e le sau Satalake, mo Mesake, mo Apeteneko ki ni tuulaga mauiga i le fenua o Papilone.

Taniela 5:23

Na ke malaga ki aluga o agatuu ki le Aliki o le atu lagi ; ti na ke aumai a ipu o lona fale ki ou mua, ti na kotou inu ki ai le vino, e koe mo lau kau lalasi, mo au avaga, mo au feauaki ; na ke fakavikiviki ki atua siliva, mo aulo, mo kapa, mo ukamea, mo laakau, mo fatu, ala e leaise logo fua, e leaise tio fua, ti e leaise iloa fua se nea, kae na leaise ke fakakololiai le Atua leia e too ia i lona lima lau tukumanava ti mo ou ala fuli.

Taniela 5:4

Na lotou inu loa se vino, ti na lotou fakavikiviki loa ki atua aulo, mo atua siliva, mo atua sila, mo atua ukamea, mo atua laakau, ti mo atua fatu.

Oseo 2:8

Koia, e kau tapono loa lona ala ki ni laakau talatala ti e kau fakatuu loa i ai se kau a, o tupu ke aua na toe maua e ia ona ala.

Oseo 8:4

Na lotou fakanofo ni sau, kae na leaise kau fakatotonu a ia, Ti mo ni pule kae na leaise lotou afa mai kiate au ; Na lotou fai ni taulaatua ki lalatou siliva mo lalatou aulo ; Koia leia e tuuti ai loa latou.

Apakuki 2:19

Malaia ki leia e pati ki le laakau : Tuu ki aluga ! Ki se fa fatu gutu mate : Alaala ! Pe fakasa loa e ia se nea ? Ko leinei, e teuteui a ia ki le aulo mo le siliva, Kae e leaise maua iate ia se laumalie leia e fakamauli ia a ia.

Gaoi 17:29

Ti kapau ko tatou ko le lanu o le Atua, e leaise tonu ke tou manatu e tatau le natula fakaatua mo le aulo, mo le paaga, pe ko le fatu, ala na ta e le poto mo le fakakaukau a le tagata.

Gaoi 19:26

kae kua kotou tio ti kua kotou logo, i Efeso mo Asia katoa, kua fakalotoi mo toso e le Paulo lena se kakai toka api ai, o pati ko atua ala na fau e le lima o le tagata, e leaise ko ni atua latou.

Tetelonome 7:25

Ke kotou tutu loa i le afi a fakatata o olatou atua. Ke aua na ke manumanu loa ki le paaga, mo le aulo o puleaga ana, ti ke aua na ke too loa a nea ana ma au, o tupu na liliu loa a nea ana kiate koe ko se masele ; talie e fakalialia ki ai le Eteleno, lou Atua.

Apokalipisi 9:20

Ko le toega o le kakai, latou ala na leaise mate i tautea ana, na leaise fakasemala loa ki gaoi o olatou lima, o fakagato lalatou atolasio ki temonio, ti mo taulaatua aulo, mo siliva, mo ukamea, mo fatu, ti mo laakau, ala e leaise feala ke tio, mo logo, mo saele ;