Taniela 2:9 - Tosi Tapu

⁹ Koia kapau ai e leaise kotou fakasa mai kiate au le moe miti, ko le tua leia kua fakatotonu e vilo loa kia koutou fuli. E kotou loto ke teuteui ni kaka mo ni loi ala ke kotou fakasa mai kiate au, o fakalogologo ke fetogi le temi. Koia kotou fakamatala mai kiate au le moe miti, ti e kau iloa loa pe kotou mafai ia le fakamatala o lona uiga.

Taniela 2:9 Iomraidhean Croise

Uluaki tosi o Sau 22:22

Na tali loa a ia : E kau ano loa, ti e kau liliu loa ko se laumalie o le loi i gutu o lana kau polofeta fuli. Na pati loa le Eteleno : Ke ke fakalotoi loa a ia, talie e ke malo loa iate ia ; ano, ti ke fai fenaaki !

Uluaki tosi o Sau 22:6

Na tanaki loa e le sau o Iselaele le kau polofeta, ko tino lelau e fa, ti na pati loa a ia kia latou : Pe kau ano loa o taui Lamoti i Kalaate, pe tonu ke kau fakafiti ki ai ? Ti na lotou tali loa : Pale, talie e tuku loa a ia e le Aliki ki lima o le sau.

Esitele 4:11

E iloa e tagata fakasausau fuli a le sau, ti mo le kakai o fenua fuli o le sau, e i ai se lao leia e fakatuaa ia ki le mate se tasi fua, fafine pe tagata, e ulu ki le malae loto o le fale o le sau kae na leaise kalagai a ia. E gato tasi ki leia e velo loa ki ai e le sau lona tokotoko aulo e saofaki loa lona mauli. Ti ko au, na leaise toe kalagai au ki tafa o le sau, talu mei aso e kau lua.

Taagapati 12:19

E tuu o lee gato le laugutu leia e masau i le maoki, Kae e tuu le alelo loi i se ga temi noa fua.

Esaia 41:23

Io, kotou fakasa mai le nea leia ka soko loa ki muli, Ke motou iloa pe ko ni atua maoki koutou ! Kotou fai fua se nea e tasi, pe malie pe veli, Ke motou tio ki ai ti ke tou tio fakatasi ki ai.

Esaia 44:25

E kau fakanoa ia a fakamailoga a kau polofeta loi, Ti e kau fakasa le valea o kau kikite ; E kau fakasolomuli le kau poto, Ti e kau fakaliliu lolatou iloa ko le valea.

Esekiele 13:17

Ti ko koe, vosa o le tagata, ave ou mata ki taineliki o lou kakai Ala e kikite o mulimuli ki olatou loto totonu, Ti ke kikite kia latou !

Esekiele 13:19

E kotou fakanoai au i mua o loku kakai, Ki ni ga lukuga falina mo ni ga potu pane, O kotou tamate ni laumalie ala e leaise tonu ke mate, Kae kotou fakamauli ni laumalie ala e leaise tonu ke mauli, O kotou kakaai ai loku kakai, leia e fakalogo ki le loi.

Esekiele 13:6

E vaiga alotou tio, ti e loi alatou kikite ; E lotou pati : Na pati le Eteleno ! Kae na leaise kakau fua latou e le Eteleno ; Ti e lotou tuku ke amanaki e soko loa alatou masau.

Taniela 2:16

Ti na ano loa Taniela ki le fale o le sau, o kole kiate ia se temi leia ke tuku ai ki le sau le fakamatala.

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Taniela 2:8

Ti na toe masau loa le sau, o pati : E kau iloa fakapapau nei e kotou faiga ke maua se temi, talie e kotou tio kua puli le nea iate au.

Taniela 3:15

I le lakaga nei, ke kotou teuteu ! ka kotou logo loa ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, ke kotou punou loa o atolasio ki le fakatata leia na kau fakatuu ia ; kapau e leaise kotou atolasio loa ki ai, e ti loa koutou i le temi fai lena ki se gutuumu kaka. Ti ko le atua fea loa leia e saofaki ia loa koutou mei loku lima ?

Taniela 5:28

Vae : kua vae lou puleaga, ti kua soli a ia ki le kau Meti mo le kau Pelesi.

Taniela 5:31

Ti na too loa e Taliusi, tagata Mete, le puleaga, i lona fetuu kau ono tupu lua.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Lua tosi ki le kau Kolinto 2:17

Talie e leaise motou fai kaka ki le folafola a le Atua, ofaipe le fai a se toka api ; kae motou masau i le maoki, i mua o le Atua, ofaipe ni tagata fakasausau a Kilisito.