Taniela 2:5 - Tosi Tapu

⁵ Ti na toe masau loa le sau, o pati ki le kau Kaletea : E leaise koi kau manatui a ia ; kapau e leaise kotou fakamatala mai kiate au le moe miti mo lona uiga, e tuutuu fakalikiliki loa koutou, ti e fakaliliu loa okoutou fale ko ni tuuga penu.

Taniela 2:5 Iomraidhean Croise

Lua tosi o Sau 10:27

Na lotou maumaui loa le fakatata o Paale, ti na lotou toe maumaui foki mo le fale o Paale, ti na lotou fakaliliu loa a ia ko se fale vao o kaku mai ki le aso nei.

Esetalasi 6:11

Ti ko leinei le fakatotonu leia e kau tuku o uiga mo leia e agatuu ki le fakatotonu lena : E too loa mei lona fale se fa laakau, ti ke fakatuu a ia, ti ke tautau a ia ki ai, kae maumaui loa lona fale.

Pesalemo 50:22

Koia ke kotou tokaga ai, koutou ala e galoi ia le Atua, Ke aua na kau sae ia koutou, kae e leaise tasi ke saofaki.

Pesalemo 58:7

Ei Atua, fatifatii olatou nifo i olatou gutu ! Eteleno, taaki olatou kaunifo ala e faipe kaunifo o uviki laione !

Taniela 2:12

I le nea lena na itaita lasi le sau. Ti na fakatotonu loa e ia ke tamate le kau poto fuli o Papilone.

Taniela 3:29

I le aso nei, ko leinei le fakatotonu leia e kau fai : Ko tagata fuli, mo kakai fuli, mo puleaga, mo masau fuli, e masau veli loa ki le Atua o Satalake, mo Mesake, mo Apeteneko, e tutuuti loa, ti e fakaliliu loa lona fale ko se tuuga penu, talie e leaise tasi ake atua leia e feala ke saofaki ia ofaipe ia.

Taniela 4:9

Pelesatesale, pule o le kau fai nea fakatalatupua, e kau iloa e ke nofo mo le laumalie o atua maokioki, ti e leaise faigataa se nea fakapulipuli kiate koe, fakamatala mai kiate au le uiga o nea ala na kau tio ki ai i laku moe miti.

Tetelonome 13:16

Ke ke tanaki loa le koloa katoa ki loto malie o le kolo, ti ke tutu katoa loa i le afi le kolo mo ona koloa fuli, i mua o le Eteleno, lou Atua : e tuu loa a ia ko se tuuga nea maumau, e leaise toe fakatuu loa a ia i se aso.

Sosue 6:26

I le aso lena, na fai loa e Sosue le fakapapau leinei : Ke malaia i mua o le Eteleno le tagata leia e tuu loa ki aluga o toe fakatuu le kolo leinei ko Seliko. E kenu loa e ia ona fakavae o totogi ki lona vosa uluaki ; ti e tau loa e ia ona matapa o totogi ki lona vosa lua.

Uluaki tosi a Samuele 15:33

Na pati loa Samuele : Ofaipe lau seleta leia na fakaliliu ia ni fafine o sala fanau, e sala vosa loa lou tinana i fafine ana kua sala fanau. Ti na tutuuti loa e Samuele a Akake i mua o le Eteleno, i Kilikale.