Taniela 2:47 - Tosi Tapu

⁴⁷ Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Taniela 2:47 Iomraidhean Croise

Senesi 41:39

Ti na pati loa Falaone kia Sosefo : Ko leinei kua fakasa e le Atua kiate koe a nea fuli anei, e leaise toe maua se tasi ake tagata leia e toe atamai ake mo toe poto ake iate koe.

Lua tosi o Sau 5:15

Na toe liliu loa Naamane ki le tagata a le Atua mo ana tagata fakasausau. I lana kaku atu, na ano loa a ia ki mua o Eliseo, o pati : Ko leinei, e kau fakamaoki e leaise tasi ake Atua i le Atua o Iselaele i le malama nei katoa. Ti ko leinei e kau kole atu kiate koe, ke ke tali se nea alofa mei le lima o lau tagata fakasausau.

Sopo 12:19

E ave fakapopula e ia le kau faisakilifisio ; E ti e ia ki lalo le kau makeke.

Pesalemo 136:2

Kotou fakafetai ki le Atua o atua, Talie e lee gato lona manava alofa !

Pesalemo 136:3

Kotou fakafetai ki le Aliki o aliki, Talie e lee gato lona manava alofa !

Pesalemo 72:11

E punou loa a sau fuli i ona mua, E tausi loa a atu puleaga fuli kiate ia.

Pesalemo 82:1

Pesalemo a Asafe. E agai le Atua i le fakatasiga a le Atua ; E fakamaau a ia i loto malie o atua.

Pesalemo 96:4

Talie e lasi le Eteleno ti e gali ai mo le fakavikiviki, E fakaii a ia i aluga o atua fuli.

Esekiele 26:7

Talie e folafola le Aliki, le Eteleno, o pati : Ko leinei, e kau aumai loa ki Tile i le potu noleto a Nepukatenesale, sau o Papilone, le sau o sau fuli, mo ni kau osi, mo ni kau saliote, mo ni kau tagata ekeosi, ti mo se kakai toka api.

Taniela 11:36

E fai loa e le sau le nea leia e loto a ia ki ai ; e malaga loa a ia ki aluga, ti e fia tuu loa a ia i aluga o atua fuli, ti e fai loa e ia ni masau fakavale ki le Atua o atua ; ti e manuia loa a ia o kaku ki le katoa o le sausau o le Atua, talie e soko loa le nea leia kua fakatuutuu.

Taniela 2:19

Ti na fakasa loa le nea fakafufu kia Taniela, i se tio i le pouli. Ti na fakafetai loa Taniela ki le Atua o le atu lagi.

Taniela 2:22

E fakasa e ia le nea leia e loloto mo munia, e iloa e ia le nea leia e tuku i le fakapouli, ti e iate ia le malama.

Taniela 2:28

Kae e i ai i le lagi se Atua leia e fakasa ia a nea fakafufu, ti kua fakasa e ia ki le sau ko Nepukatenesale le nea leia ka soko mai loa i temi ki muli. Ko leinei lau moe miti mo nea ala na ke tio ki ai i lou moeaga.

Taniela 2:29

Ei sau, i lou moeaga, na ke fakakaukau o uiga mo le temi leia ka soko mai ; ti ko leia e fakasa ia a nea fakafufu na fakasa ia kiate koe le nea leia ka soko loa.

Taniela 2:30

Kapau kua fakasa le nea fakafufu lena kiate au, e leaise tupu e iate au se poto leia e lasi ake i le poto o tagata mauli fuli ; kae e tupu ke fakasa le fakamatala o le moe miti mo lona uiga ki le sau, ti ke iloa e koe a fakakaukau o lou loto.

Taniela 2:37

Ei sau, ko le sau a koe o atu sau, talie kua soli kiate koe e le Atua o le atu lagi le puleaga, mo le pule, mo le makeke, mo le kololia ;

Taniela 3:15

I le lakaga nei, ke kotou teuteu ! ka kotou logo loa ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, ke kotou punou loa o atolasio ki le fakatata leia na kau fakatuu ia ; kapau e leaise kotou atolasio loa ki ai, e ti loa koutou i le temi fai lena ki se gutuumu kaka. Ti ko le atua fea loa leia e saofaki ia loa koutou mei loku lima ?

Taniela 3:28

Ti na masau loa Nepukatenesale, o pati : Ke manuia le Atua o Satalake, mo Mesake, mo Apeteneko, leia na kakau ia mai lona aselo ti na saofaki ia ana tagata fakasausau ala na fanaki kiate ia, kae na maumaui ia le fakatotonu a le sau. Na lotou malie ia ake le momoli o olatou tino i lalatou tausi mo atolasio ki se tasi ake atua kese.

Taniela 3:29

I le aso nei, ko leinei le fakatotonu leia e kau fai : Ko tagata fuli, mo kakai fuli, mo puleaga, mo masau fuli, e masau veli loa ki le Atua o Satalake, mo Mesake, mo Apeteneko, e tutuuti loa, ti e fakaliliu loa lona fale ko se tuuga penu, talie e leaise tasi ake atua leia e feala ke saofaki ia ofaipe ia.

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 4:25

E kapu loa a koe mei loto malie o tagata, ti e ke maua loa lou nofoaga i loto malie o manu o faisaga, ti e tuku loa kiate koe se mutie ke kai, ofaipe pipi ; e susu loa a koe i le sasau o le lagi, ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 5:11

E maua se tagata i lou puleaga leia e nofo ai le laumalie o atua maokioki ; i le temi o lou tamana, na maua i le tagata lena le tio malama, mo se atamai, ti mo se poto, leia e tatau mo le poto o atua. Ti ko le sau ko Nepukatenesale, lou tamana, ei sau, na fakanofo ia a ia ko le pule o le kau fai nea fakatalatupua, mo le kau sivi fetuu, mo le kau Kaletea, ti mo le kau faikikite,

Amosi 3:7

Talie e leaise fai e le Aliki, le Eteleno, se nea e tasi, Kae e leikiaise fakasa e ia a ia ki ana tagata fakasausau ko le kau polofeta.

Uluaki tosi ki le kau Kolinto 14:25

ti e fakasa loa a manatu fakapulipuli o lona loto ; ti e fakamapee loa a ia ki le kele, o atolasio ki le Atua, mo fakasa e nofo maoki ai le Atua ia koutou.

Tetelonome 10:17

Talie ko le Eteleno, lokoutou Atua, ko le Atua o atu lagi, ko le Aliki o aliki fuli, ko le Atua lasi, mo makeke mo fakaii, leia e leaise tiotio tagata ti e leaise totogi ki se moliga.

Uluaki tosi kia Timoteo 6:15

leia e fakasa loa i lona temi e le Aliki taualuga toka tasi mo manuia, le Sau o atu sau, le Aliki o aliki,

Sosue 22:22

Atua, Atua, le Eteleno, Atua, Atua, e iloa e le Eteleno, ti e iloa loa e Iselaele le tupuaga o le nea leia na matou aga o fai. Kapau na motou fai ia se patigataa, pe ko se agatuu ki le Eteleno, ti ke aua na toe fakamauli e ia matou i le aso nei !

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,

Apokalipisi 17:14

Ti e lotou tau loa ki le Akeno, ti e malo loa le Akeno ia latou, talie ko le Aliki a ia o aliki, ti ko le Sau a ia o atu sau ; ti e toe malo foki ia latou le kau kalagai, mo le kau filifiliia, ti mo le kau agatonu ala e nonofo mo ia.

Apokalipisi 19:16

Ti na tuu i lona pulupulu mo lona kauaga se igoa kua tosi : Sau o atu sau, mo Aliki o atu aliki.