Taniela 2:4 - Tosi Tapu

⁴ Ti na tali loa le kau Kaletea ki le sau i le masau fakaalamea : Ei sau, ke ke mauli o lee gato ! Fakamatala mai le moe miti ki au tagata fakasausau, ti e motou fakasa atu loa kiate koe lona uiga.

Taniela 2:4 Iomraidhean Croise

Senesi 31:47

Na fakaigoa loa e Lapane le ganea lena ko Sekale-Saatuta, ti na fakaigoa loa a ia e Sakopo ko Kaleti.

Senesi 41:8

I le usu, na mamae loa le laumalie o Falaone, ti na kalagai loa e ia a tagata fainea fakatalatupua fuli mo le kau poto fuli o Esipito. Ti na fakamatala loa e ia kia latou ana moe miti. Kae na leaise mafai ke fakamatala e se tasi a moe miti kia Falaone.

Uluaki tosi o Sau 1:25

Talie kua ifo mai a ia i le aso nei, ti kua tamate e ia ni pipi, mo ni uviki pipi pepeti, ti mo ni ovi mauke ai ; ti kua fakaafe e ia a vosa fuli o le sau, mo pule o le solia, ti mo le tagata faisakilifisio ko Apiatale. Ti ko leinei, kua lotou kai mo inu i ona mua, ti kua lotou pati : Ke mauli le sau ko Atonisa !

Uluaki tosi o Sau 1:31

Na punou loa Pate-Sepa ki le kele i mua o le sau, o pati : Ke mauli le sau ko Tavite o lee gato !

Lua tosi o Sau 18:26

Na pati loa Eliakimi, vosa o Ilekisa, mo Sepena ti mo Soake, kia Lapesake : Ke ke masau fakaalamea mai ki au tagata fakasausau, talie e motou matala loa ki ai ; kae aua se ke masau fakasutea mai kia matou, ke logo ki ai le kakai leia e tutuu i le paa.

Esetalasi 4:7

I le sau o Aletasese, na fai loa e Piselame, mo Miteletate, mo Tapeele, ti mo la ake olatou fetaina, se tosi kia Aletasese, sau o Pelesi. Na fai le tosi i le fai tosi fakaalamea ti mo le masau fakaalamea.

Neemia 2:3

Ti na kau tali loa ki le sau : Ke mauli le sau o lee gato ! Pe feaki loa ke aua se kau mata mamae kae maumau le kolo leia e tuu ai a tanuma o oku tamana, ti kua tutu o okioki ona matapa e le afi ?

Esaia 36:11

Na pati loa Eliakimi, mo Sepina, mo Soake kia Lapesake : Masau mai ki au tagata fakasausau i le fakaalamea, talie e motou matala ki ai, kae aua se ke masau fakasutea mai ke logo ki ai le kakai leinei e tutuu i aluga o le paa.

Esaia 44:25

E kau fakanoa ia a fakamailoga a kau polofeta loi, Ti e kau fakasa le valea o kau kikite ; E kau fakasolomuli le kau poto, Ti e kau fakaliliu lolatou iloa ko le valea.

Taniela 1:4

ni tama tupulaga lee mele fakatino, mo mata fulumalie, mo poto, mo atamai, ti na malie lolatou ako, ti na mafai ke gaoi i le fale o le sau, ti ke ako loa kia latou le faitosi mo le masau a le kau Kaletea.

Taniela 2:7

Ti na lotou toe tali loa ki le sau o tua lua : Ke fakamatala mai fua e le sau le moe miti ki ana tagata fakasausau, ti e motou fakasa loa lona uiga.

Taniela 3:9

Na lotou pati loa ki le sau ko Nepukatenesale : Ei sau, mauli o lee gato !

Taniela 4:19

Ti ko Taniela, leia e igoa ko Pelesatesale, na tuu noa mua i se ga temi, talie na sevaia lana fakakaukau. Ti na toe masau loa le sau, o pati : Pelesatesale, ke aua na ke i, o tupu ko le moe miti mo lona fakamatala ! Ti na tali loa Pelesatesale : Ei loku aliki, ke vilo le moe miti mo lona uiga ki ou fili !

Taniela 4:7

Ti na au loa le kau fai nea fakatalatupua, mo le kau sivi fetuu, mo le kau Kaletea, ti mo le kau kikite. Na kau fakamatala loa kia latou le moe miti, kae na leaise lotou fakasa mai kiate au lona uiga.

Taniela 4:9

Pelesatesale, pule o le kau fai nea fakatalatupua, e kau iloa e ke nofo mo le laumalie o atua maokioki, ti e leaise faigataa se nea fakapulipuli kiate koe, fakamatala mai kiate au le uiga o nea ala na kau tio ki ai i laku moe miti.

Taniela 5:10

Ko le avaga o le sau, o tupu ko masau a le sau mo lana kau lalasi, na ulu mai loa ki le kogafale o le kaitasi, o masau feneeki : ei sau, ke ke mauli o lee gato ! Ke aua na ke mamae o tupu ko au manatu, ti ke aua na ke i !

Taniela 5:8

Na ulu ake loa ki fale le kau poto fuli a le sau ; kae na leaise mafai ke lotou lau le fai tosi ti mo fakamatala lona uiga ki le sau.

Taniela 6:21

Ti na pati loa Taniela ki le sau : ei sau, ke ke mauli o lee gato !

Taniela 6:6

Ti na ano fakatasi loa le kau pule mo le kau aliki ki le sau, ti na lotou masau loa kiate ia, o pati : Sau ko Taliusi, ke ke mauli o lee gato !

Taniela 6:7

Kua loto tasi fuli a pule o le puleaga, mo le kau minisi, mo le kau aliki, mo le kau fono, ti mo kovana, ke fai se fakatotonu fakapuleaga e le sau ti mo se tapu mamafa leia e fakasa ia, ko le tagata leia, i lolotoga o aso e kau tolu e faikole loa ki se atua kese pe ko se tagata kese, e ti loa ki le popoko o laione ; e gato tasi fai kiate koe, ei sau, e faikole loa ki ai.

Mateo 21:9

Ko latou ala na ano i mua ti mo latou na muli ia Sesu na kalaga : Osana ki le Vosa o Tavite ! Tapusa leia e saele mai i le suafa o le Aliki ! Osana i ganea taualuga ai !

Uluaki tosi a Samuele 10:24

Na pati loa Samuele ki le kakai katoa : Pe kua kotou tio ki leia kua filifili e le Atua ? E leaise tasi i le kakai katoa e tatau mo ia. Ti na kalaga loa le kakai katoa : Ke mauli le sau !