Taniela 2:2 - Tosi Tapu

² Koia na kalagai ai loa e le sau le kau fai nea fakatalatupua, mo latou ala e sivi ia le anoaga o le temi, mo latou ala e fai nea fakatemonio, ti mo le kau Kaletea, ke lotou fakasa ake kiate ia ana moe miti. Na lotou au loa, o tuu i mua o le sau.

Taniela 2:2 Iomraidhean Croise

Senesi 41:8

I le usu, na mamae loa le laumalie o Falaone, ti na kalagai loa e ia a tagata fainea fakatalatupua fuli mo le kau poto fuli o Esipito. Ti na fakamatala loa e ia kia latou ana moe miti. Kae na leaise mafai ke fakamatala e se tasi a moe miti kia Falaone.

Esitele 1:13

Ti na masau loa le sau ki le kau poto, ala na iloa ia a temi. Talie na fai fenaaki a nea fuli a le sau, i mua o latou fuli ala na iloa ia a lao mo le fakamaau.

Ekesote 7:11

Kae na kalagai loa e Falaone ni tagata poto mo ni tagata faikikite, ala ko tagata fai nea fakatalatupua o Esipito, ti na lotou toe fai loa le nea lena ki alatou nea fakatemonio.

Esaia 19:3

E puli loa le laumalie o Esipito i loto malie o ona, Ti e kau maumaui loa lana fakakaukau. E oso loa a ia ki taulaatua, mo le kau fai nea fakatemonio, Mo latou ala e afa ki le kau mate, ti mo latou ala e faikikite ki le apogipogi.

Esaia 8:19

Kapau e pati atu kia koutou : Kotou afa kia latou ala e felogoi mo le kau mate ti mo latou ala e kikite ia le apogipogi, Ala e fai ia ni mapu mo ni mumusu. Kotou tali : Pe leaise totonu koia ke afa e le kakai ki lona Atua ? Pe totonu koia ke afa ki le kau mate kae tiaki leia e mauli ?

Taniela 1:20

I nea fuli ala na aoga ki ai se poto mo se atamai, ti mo nea fuli ala na fakavesilii latou ki ai e le sau, na maua loa e le sau ia latou e lotou popoto lasi ake o tua kau agafulu i le kau fai nea fakatalatupua mo le kau sivi o le temi, ala na maua i lona puleaga katoa.

Taniela 1:4

ni tama tupulaga lee mele fakatino, mo mata fulumalie, mo poto, mo atamai, ti na malie lolatou ako, ti na mafai ke gaoi i le fale o le sau, ti ke ako loa kia latou le faitosi mo le masau a le kau Kaletea.

Taniela 2:10

Na tali loa le kau Kaletea ki le sau : E leaise tagata ai i le malama nei e mafai ia ke fakasa le nea leia e kole e le sau ; ti na leikiaise sau e tasi, pe lasi feaki lona pule mo lona makeke, kua fakamaua ia se nea felaaki ki se masi, pe ko se tagata sivi fetuu pe ko se Kaletea.

Taniela 2:27

Na tali loa Taniela i mua o le sau, o pati : Ko le nea leia e kole e le sau ko se nea fakafufu, ti e leaise mafai e le kau poto, mo le kau sivi fetuu, mo le kau masi, mo le kau kikite, ke fakamatala ia ki le sau.

Taniela 3:8

Kae i le temi totonu lena, na fakafeofi ake loa ni tagata Kaletea, o fakalakasala le kau Sutea.

Taniela 4:3

E lalasi ai ana fakamailoga ! E makeke ai ana nea fakamanamana ! Ko lana fakatotonu ko se fakatotonu lee gato, ti e tuu lana pule i tautupu mo tautupu.

Taniela 4:6

Na kau fakatotonu loa ke aumai ki oku mua le kau poto fuli o Papilone, ke fakamatala mai kiate au le uiga o le moe miti.

Taniela 5:7

Ti na kalaga loa le sau, o leo lasi, ke aumai latou ala e sivi ia a temi, mo le kau Kaletea, ti mo kau faikikite ; ti na pati loa le sau ki le kau poto o Papilone : Ko leia e lau ia loa le faitosi leinei ti mo fakamatala ia mai loa lona mauiga kiate au e fakakofu loa a ia ki le kofu kula, ti e fakatau loa se kasoa aulo ki lona ua, ti e maua loa e ia le tolu tuulaga o le puleaga.

Uluaki tosi a Samuele 6:2

Na kakau loa e le kau Filisitini ke au le kau pelepitelo mo le kau kikite, ti na lotou pati loa : Kolea ke motou fai loa ki le aleka o le Eteleno ? Kotou fakasasa mai kia matou pe feaki lona toe fakaliliu ki lona nofoaga.