Taniela 2:1 - Tosi Tapu

¹ I le fetuu lua o le sau ko Nepukatenesale, na fai loa e Nepukatenesale ni moe miti. Ti na mamae ai loa lona loto, ti na mavae ai loa le fia moe iate ia.

Taniela 2:1 Iomraidhean Croise

Esitele 6:1

I le po lena, na leaise feala ke moe le sau, ti na pati loa a ia ke aumai le tosi fakamatala o nea fakapuleaga, le tosi o Koloniko. Na lau loa latou i mua o le sau,

Selemia 25:1

Na tuku loa le folafola kia Selemia ki le kakai katoa o Suta, i le fetuu fa o Sosakimi, sau o Suta, vosa o Sosiasi, - ko le uluaki fetuu a ia o Nepukatenesale, sau o Papilone, -

Taniela 2:3

Ti na pati loa le sau kia latou : Na kau fai se moe miti ; ti e mamae loku loto, ti e kau loto ke kau iloa le moe miti lena.

Taniela 4:2

Na kau manatu ko se nea malie ke fakasa a fakamailoga mo nea fakamanamana ala na fai e le Atua taualuga kiate au.

Taniela 4:5

Na kau fai loa se moe miti leia na tupu ai loku i lasi ; ko manatu ala na kau maua i loku moeaga ti mo nea ala na tio ki ai loku laumalie na fakaii ai.

Taniela 5:9

Koia na i lasi ai loa le sau ko Pelesatesale, ti na asilisili fakalaulautetea loa a ia ; ti na mata mamae fuli loa lana kau lalasi.

Taniela 6:18

Ti na ano loa le sau ki lona fale sau ; ti na sesunio loa a ia i le pouli, ti na leaise kalagai loa e ia se fafine ke au kiate ia, ti na leaise mafai ke moe mate loa a ia.

Taniela 7:1

I le uluaki fetuu o Pelesatesale, sau o Papilone, na fai loa e Taniela se moe miti, ti na sa loa ni tio ki lona loto i lana moe i lona moeaga. Ti na tosi loa e ia le moe miti, ti na fakamatala loa e ia a nea tafito ala na tio a ia ki ai.

Taniela 7:15

Ko au Taniela, na sevaia loa loku loto, ti na fakaii loa kiate au a nea ala na kau tio ki ai i loku loto.