Taniela 12:9 - Tosi Tapu

⁹ Na tali loa a ia : Ano, Taniela, talie e taofi fakafufu loa a folafola anei ti e fakamau loa latou o kaku ki le temi fakaoki.

Taniela 12:9 Iomraidhean Croise

Esaia 29:11

Kua fai le levelasio katoa kia koutou pe ni kupu o se tosi kua fakamau, Lei e soli ki se tagata poto i le lautosi, o pati kiate ia : Lau le nea lena ! Kae tali a ia : E leaise kau mafai a ia, Talie kua fakamau a ia.

Esaia 8:16

Kofukofu le fakamaoki leinei, Fakamaumau le levelasio leinei iate koe, ke gato i aku tisipulo.

Taniela 10:14

E kau au i le lakaga nei o fakasa kiate koe le nea leia e tonu ke soko ki lou kakai i le temi ki muli ; talie ko le nea leia e ke tio ki ai e toe uiga foki mo le temi lena.

Taniela 11:40

I le temi o le fakaoki, e toe malaga loa le sau o le saute kiate ia. Kae e oso loa le sau o le noleto kiate ia ofaipe se afa makeke, mo ni saliote, mo ni tagata ekeosi, ti mo se fua vaka tau lasi ; ti e ulu loa le sau o le noleto mo lana solia ki ni fenua mauke, ti e mafolafola loa a ia ofaipe se vaitafe leia kua puke.

Taniela 12:4

Ko koe Taniela, taupau fakafufu a folafola anei, ti ke fakamau le tosi o kaku ki le temi fakamuli. I le temi loa lena, e lau loa e se kakai i le tosi, ti e tupu loa le poto o lasi.

Taniela 12:8

Na kau logo loa, kae na leaise kau matala loa ; ti na kau pati loa : Loku aliki, kolea loa le fakaoki o nea fuli ana ?

Taniela 8:26

E maoki le tio o afiafi mo usu. Kiate koe, taupau fakafufu le nea leia na ke tio ki ai, talie ko se nea o uiga mo ni temi koi mamao.

Apokalipisi 10:4

I le gugulu o leo o mana e fitu, na kau teuteu loa ke kau tosi, kae na kau logo loa ki se leo mei le lagi na pati mai kiate au : Fakamau ke mau le nea leia kua pati ki ai a mana e fitu, ti aua na ke tosi a ia.