Taniela 12:4 - Tosi Tapu

⁴ Ko koe Taniela, taupau fakafufu a folafola anei, ti ke fakamau le tosi o kaku ki le temi fakamuli. I le temi loa lena, e lau loa e se kakai i le tosi, ti e tupu loa le poto o lasi.

Taniela 12:4 Iomraidhean Croise

Esaia 11:9

E leaise toe fai loa se nea veli, pe ko se maumau I loku mauga maokioki katoa ; Talie e apele loa le malama nei katoa i le iloa o le Eteleno, Ofaipe le apele o le takele o le tai i vai ala e ufiufi ia a ia.

Esaia 29:11

Kua fai le levelasio katoa kia koutou pe ni kupu o se tosi kua fakamau, Lei e soli ki se tagata poto i le lautosi, o pati kiate ia : Lau le nea lena ! Kae tali a ia : E leaise kau mafai a ia, Talie kua fakamau a ia.

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 32:3

Ko mata o latou ala e tio e leaise toe mapono loa, Ti ko taliga o latou ala e fakalogo e tokaga loa.

Esaia 8:16

Kofukofu le fakamaoki leinei, Fakamaumau le levelasio leinei iate koe, ke gato i aku tisipulo.

Selemia 5:1

Kotou foli i ala o Selusalemi, Kotou tio, kotou iloa, kotou afa i nofoaga fakafenua, Pe nofo i ai se tagata, pe i ai se tasi Leia e fai ia le faitotonu, leia e pipiki ki le maoki, Ti e kau fakamolemole loa ki Selusalemi.

Taniela 10:1

I le fetuu tolu o Silusi, sau o Pelesi, na fakasa loa se folafola kia Taniela, leia na fakaigoa ko Pelesatesale. Ko le folafola lena, leia ko se folafola maoki, e fakasa ia se malaia lasi. Na tokaga loa a ia ki le folafola lena, ti na matala loa a ia ki le uiga o le tio.

Taniela 10:14

E kau au i le lakaga nei o fakasa kiate koe le nea leia e tonu ke soko ki lou kakai i le temi ki muli ; talie ko le nea leia e ke tio ki ai e toe uiga foki mo le temi lena.

Taniela 10:21

Kae e kau loto ke fakasa atu kiate koe le nea leia kua tosi i le tosi o le maoki. E leaise tokoi mai se tasi kiate au kia latou ana, gato ko Misaele, lokoutou pule.

Taniela 11:33

ti ko latou ala e popoto i le kakai, e ako ia loa se kakai toka api. E i ai loa ni iki e vilo loa, i se ga temi, i le seleta, mo le afi, mo le pilisoni, ti mo le fakamakeke.

Taniela 11:40

I le temi o le fakaoki, e toe malaga loa le sau o le saute kiate ia. Kae e oso loa le sau o le noleto kiate ia ofaipe se afa makeke, mo ni saliote, mo ni tagata ekeosi, ti mo se fua vaka tau lasi ; ti e ulu loa le sau o le noleto mo lana solia ki ni fenua mauke, ti e mafolafola loa a ia ofaipe se vaitafe leia kua puke.

Taniela 12:13

Ti ko koe, Taniela, ke ke saele ki le gatoaga. Ti e ke malolo loa, ti e ke tuu ake loa ki lou fakapale i le fakaoki o aso.

Taniela 12:5

Ti ko au, Taniela, na kau tio, ti ko leinei, na tutuu ni iki ake tagata e toka lua i laugutu o le vaitafe, ko le tasi i le tasi kauvai ti ko le tasi i leia ake kauvai o le vaitafe.

Taniela 12:9

Na tali loa a ia : Ano, Taniela, talie e taofi fakafufu loa a folafola anei ti e fakamau loa latou o kaku ki le temi fakaoki.

Taniela 8:17

Ti na au loa Kapeliele ki le ganea leia na kau nofo ai ; ti na kau i i lana fakafeofi mai kiate au, ti na kau punou loa, o fakatuu oku mata ki le kele. Na pati mai loa a ia kiate au : Tokaga, ei vosa o le tagata, talie e uiga le tio mo se temi leia e liliu loa ko le temi fakaoki.

Taniela 8:19

Ti na pati mai loa a ia kiate au : E kau fakasa atu loa kiate koe le nea leia ka soko loa i le oki o le sausau o le Atua, talie e i ai se temi leia kua fakamailoga ki le fakaoki.

Taniela 8:26

E maoki le tio o afiafi mo usu. Kiate koe, taupau fakafufu le nea leia na ke tio ki ai, talie ko se nea o uiga mo ni temi koi mamao.

Mateo 24:14

E fakamafola loa le logo malie leinei o le puleaga i le malama nei katoa, ke fakamaoki ki puleaga fuli. Ti o soko mai loa le aso fakamuli.

Loma 10:18

Kae e kau pati : Pe na leaise lotou logo ? E io ! Kua taka olatou leo i le malama nei katoa, Ti kua kaku alatou folafola ki potupotu o le malama nei.

Apokalipisi 10:4

I le gugulu o leo o mana e fitu, na kau teuteu loa ke kau tosi, kae na kau logo loa ki se leo mei le lagi na pati mai kiate au : Fakamau ke mau le nea leia kua pati ki ai a mana e fitu, ti aua na ke tosi a ia.

Apokalipisi 22:10

Ti na pati mai loa a ia kiate au : Aua na ke fakamau a folafola o le polofesia o le tosi leinei. Talie kua ofi le temi.

Apokalipisi 5:1

Ti na sili a ia, na kau tio loa i le lima atamai o leia na ekeeke i le ekeekeaga fakasau ki se tosi kua tosi i loto mo tafa, ti kua fakamau ki ni fakamau e fitu.