Taniela 12:13 - Tosi Tapu

¹³ Ti ko koe, Taniela, ke ke saele ki le gatoaga. Ti e ke malolo loa, ti e ke tuu ake loa ki lou fakapale i le fakaoki o aso.

Taniela 12:13 Iomraidhean Croise

Pesalemo 1:5

Koia e leaise tutuu ai le kau agaveli i le aso o le fakamaau, Pe ko le kau agasala i le fakatasi a le kau agatonu ;

Pesalemo 16:5

Ko le Eteleno ko loku inati mo loku kalise. Ko koe leia e taupau kiate au loku vaega.

Pesalemo 16:9

Koia e fiafia ai loku loto, ti e nekenekea loku laumalie, Ti e malolo loku tino i le fimalie.

Ekesote 33:14

Na tali loa le Eteleno : E kau ano loa mo koe, ti e kau soli loa kiate koe se maloloaga.

Taniela 12:3

Ko latou ala na popoto e gigila loa ofaipe le malama o le lagi, ti ko latou ala na ako ia le faitotonu ki le kakai e gigila loa ofaipe fetuu o le lagi, o lee gato.

Taniela 12:4

Ko koe Taniela, taupau fakafufu a folafola anei, ti ke fakamau le tosi o kaku ki le temi fakamuli. I le temi loa lena, e lau loa e se kakai i le tosi, ti e tupu loa le poto o lasi.

Sakalia 3:7

E folafola le Eteleno o kau tau, o pati : Kapau e ke saele i oku ala, ti kapau e ke tausi aku fakatotonu, e ke fakamaui loa loku fale ti e ke tausi loa oku lotoa tapu, ti e kau tuku loa kiate koe ke ke ulu faitalisa kia latou ala e nonofo i leinei.

Mateo 19:28

Na tali loa Sesu kia latou : E kau pati maoki atu kia koutou, i le aso leia e eke ai loa le Vosa o le tagata ki le ekeekeaga fakasau o lona kololia, i le fakafoou o nea fuli, ko kotou ala na muli mai iate au e kotou ekeeke loa i ni ekeekeaga fakasau e kau agafulu tupu lua, ti e kotou fakamaui loa a faasiga e kau agafulu tupu lua o Iselaele.

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Lua tosi ki le kau Kolinto 5:1

Talie e ma iloa, ka maumaui loa le falela leinei leia e ma nonofo ai i le malama nei, e ma maua ia loa i le lagi se fale leia na fai e le Atua, ko se nofoaga lee gato leia na leaise fai e le lima o tagata.

Lua tosi ki le kau Tesalonika 1:7

kae ke soli atu kia koutou, ala e mamae nei, le malolo mo matou, mo ka sa mai loa le Aliki ko Sesu mei le lagi mo le kau aselo o lona mafimafi,

Apokalipisi 14:13

Ti na kau logo loa ki se leo mei le lagi leia na pati mai kiate au : Tosi : Manuia i le temi nei, le kau mate ala e mate i le Aliki ! Io, e pati le Laumalie, o tupu ke lotou malolo i alatou gaoi pakia, talie e muli alatou gaoi ia latou.