Taniela 12:12 - Tosi Tapu

¹² Manuia leia e talitali loa, ti e kaku loa ki le fakaoki o aso e afe kau lelau tolu kau tolu tupu lima !

Taniela 12:12 Iomraidhean Croise

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esekiele 4:6

Ka oki loa a aso ana, ti e ke moe loa ki le fetuu atamai, ti e ke amo loa le agaveli o le fale o Suta i aso e kau fa ; e kau fakamaua kiate koe se aso e tasi ki le fetuu e tasi.

Taniela 8:14

Ti na pati mai loa a ia kiate au : Ko afiafi mo usu e lua afe kau lelau tolu ; ti e mea loa le sagatualio.

Loma 11:15

Talie kapau ko lolatou tiaki, ko le fakatokatoka a ia o le malama nei mo le Atua, e feaki ake loa lolatou toe aumai ? Ko le mauli loa aia kia latou ala na mamate ?

Apokalipisi 11:2

Kae ko le lotoa takatakai o le fale tapu, ke ke tuku kese a ia, aua na ke fuafua a ia ; talie kua tuku a ia ki kakai pagani, ti e lotou takatakafi loa le kolo tapu ki olatou vae i masina e kau fa tupu lua.

Apokalipisi 12:6

Ti na sola loa le fafine ki le toafa, ki le ganea leia na teuteui e le Atua kiate ia ke fagai ai a ia i aso e afe kau lelau lua kau ono.

Apokalipisi 13:5

Ti na soli loa kiate ia se gutu leia na puaki ia ni masau mata tuu ti mo ni lauveli ki le Atua ; ti na soli loa kiate ia le pule ke gaoi i masina e kau fa tupu lua.

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.