Taniela 12:11 - Tosi Tapu

¹¹ Mei le temi leia e fakagato ai loa le failaulau o aso taki tasi, ti e fakatuu ai loa i le aletale le fakalialia a le tagata maumau, e i ai loa ni aso e afe kau lelau lua kau iva.

Taniela 12:11 Iomraidhean Croise

Ekesote 29:38

Ko leinei le nea leia e ke momoli loa i le aletale : ko ni akeno e lua e fetuu taki tasi, i aso taki tasi, o tuumau.

Esekiele 4:6

Ka oki loa a aso ana, ti e ke moe loa ki le fetuu atamai, ti e ke amo loa le agaveli o le fale o Suta i aso e kau fa ; e kau fakamaua kiate koe se aso e tasi ki le fetuu e tasi.

Taniela 1:12

Ke ke asiasii au tagata fakasausau i ni aso e kau agafulu, o ke soli mai kia matou ni magiti ata ke motou kai ti mo se vai ata ke motou inu ;

Taniela 11:31

E au loa ni solia i lana fakatotonu ; ti e lotou fakakelekele loa le fale tapu, mo le kolo tau, ti e lotou taofi loa le failaulau o aso taki tasi, ti e lotou fakatuu loa ki le aletale le fakatata fakalialia o le tagata maumau.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Taniela 8:26

E maoki le tio o afiafi mo usu. Kiate koe, taupau fakafufu le nea leia na ke tio ki ai, talie ko se nea o uiga mo ni temi koi mamao.

Taniela 9:27

I le vasaa fakaoki, e fai loa e ia se sai makeke mo se i. Ti e fakagato loa e ia i loto malie o le vasaa a failaulau mo moliga ; e fai loa e le tagata maumau ni nea fakalialia lasi, o kaku ki le temi leia e maumaui ai loa a ia ti e vilo ai loa kiate ia le nea leia kua fakatuutuu.

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Mateo 24:15

Koia ka kotou tio loa kua tuu i le potu taputapu leia e igoa ko le fakalialia o le malaia, leia na pati ki ai le polofeta ko Taniela, ke tokaga loa leia e lautosi !

Maleko 13:14

Ka kotou tio loa ki le tagata leia e igoa ko le Fakalialia o le veli, kua fakanofo i le ganea leia e leaise tonu ke nofo ai, ko leia e lautosi ke matala ! Ti ko latou ala e nonofo loa i Sutea ke fesolaki ki mauga ;

Apokalipisi 11:2

Kae ko le lotoa takatakai o le fale tapu, ke ke tuku kese a ia, aua na ke fuafua a ia ; talie kua tuku a ia ki kakai pagani, ti e lotou takatakafi loa le kolo tapu ki olatou vae i masina e kau fa tupu lua.

Apokalipisi 12:6

Ti na sola loa le fafine ki le toafa, ki le ganea leia na teuteui e le Atua kiate ia ke fagai ai a ia i aso e afe kau lelau lua kau ono.

Apokalipisi 13:5

Ti na soli loa kiate ia se gutu leia na puaki ia ni masau mata tuu ti mo ni lauveli ki le Atua ; ti na soli loa kiate ia le pule ke gaoi i masina e kau fa tupu lua.