Taniela 12:10 - Tosi Tapu

¹⁰ E toka api loa latou ala e fakamea loa, mo fakatetea loa, ti mo asiasii loa. E soko atu loa e le kau agatuu le fai o le veli, talie leaise lotou matala fua ki se nea, kae e matala loa latou ala e atamai.

Taniela 12:10 Iomraidhean Croise

Pesalemo 107:43

Ke tokaga leia e poto ki nea ana, Ti ke matala a ia ki agamalie o le Eteleno.

Pesalemo 51:7

Ko leinei, na kau tupu i le agaveli, Ti na fanaui au e loku tinana i le agasala.

Taagapati 1:5

Ke fakalogo le tagata poto, ti e fakalasi loa e ia lona poto ; Ti ko leia e atamai e toe maua ia loa se tasi ake atamai,

Esaia 1:18

Kotou au, ti ke tou masau fakatasi ! e pati le Eteleno. Kapau e kula akoutou agasala ofaipe le toto, e lotou liliu loa o tea ofaipe le nive ; Kapau e lotou kula ofaipe le pulupe, e lotou liliu loa o tea ofaipe le fului akeno tea.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Esekiele 47:11

Kae e leaise mauli loa a pela mo nipu i le mata tai, talie e tiaki loa latou ki le patai.

Taniela 11:33

ti ko latou ala e popoto i le kakai, e ako ia loa se kakai toka api. E i ai loa ni iki e vilo loa, i se ga temi, i le seleta, mo le afi, mo le pilisoni, ti mo le fakamakeke.

Taniela 11:35

Ti e mamate loa ni iki o le kau poto, o tupu ke fakamea latou, mo fakagigila, mo fakatea, o kaku ki le temi o le fakaoki, talie koi soko loa a ia i lona temi leia kua fakatotonu ki ai.

Taniela 12:3

Ko latou ala na popoto e gigila loa ofaipe le malama o le lagi, ti ko latou ala na ako ia le faitotonu ki le kakai e gigila loa ofaipe fetuu o le lagi, o lee gato.

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Malakia 3:3

E tonatona loa a ia ki lalo, e saka loa e ia, ti e fakamea loa e ia le siliva ; E fakamea loa e ia a vosa o Levi, E fakamea loa e ia latou ofaipe le fakamea o le aulo mo le siliva, Ti e lotou fai loa ki le Eteleno ni moliga i le faitotonu.

Maleko 4:11

Ti na pati loa a ia kia latou : Kua tuku atu kia koutou ke kotou iloa le misitelio o le puleaga o le Atua ; kae kia latou ala i tafa e fai a nea fuli anei i ni folafola fakatata,

Luka 24:25

Ti na pati loa Sesu kia laua : Tagata sala atamai, ti mo tui gataa ki nea fuli ala kua fakasa e le kau polofeta !

Soane 18:37

Na pati loa Pilato kiate ia : Pe ko se sau koia a koe ? Na tali loa Sesu : E ke fakasa a ia, e kau sau. Na kau tupu ti na kau au ki le malama nei o fakamaoki ki le maoki. Ko leia e nofo i le maoki, e logo a ia ki loku leo.

Soane 7:17

Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.

Soane 8:47

Ko leia e tupu mei le Atua e fakalogo a ia ki folafola a le Atua ; e leaise kotou fakalogo, talie e leaise kotou tupu mei le Atua.

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 12:10

Talie e maoki na tautea tatou e otatou tamana i ni ga aso teiki fua, ofai ki le nea leia e lotou malie ia ; kae e tautea tatou e le Atua i le nea leia e aoga kia tatou, o tupu ke tou kau ki lona maokioki.

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Uluaki tosi a Petelo 1:7

o tupu ke asiasii lakoutou tui, leia e mauiga ake i le aulo popo (leia foki e tonu ke asiasii e le afi), ti ke kotou maua loa le fakavikiviki, mo le kololia, ti mo le fakamauiga mo ka sa loa Sesu-Kilisito.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.

Apokalipisi 16:11

ti na lotou lauveli loa ki le Atua o le lagi, o tupu ko olatou mamae mo olatou papala, kae na leaise lotou fakasemala fua ki alatou gaoi.

Apokalipisi 19:14

Ti na muli loa iate ia a kau tau ala i le lagi, mo ni osi tetea, kua teu ki le kie mauiga, mo tea, mo mea.

Apokalipisi 19:8

ti kua tuku kiate ia ke teuteu a ia ki se kie tea maninifi, mo gigila, mo mea ; talie ko le kie tea maninifi ko gaoi maokioki a ia a le kau sagato.

Apokalipisi 22:11

Ko leia e agaveli ke soko atu lana agaveli, ko leia e kelekele ke soko atu lana kelekele ; ti ko leia e agatonu ke soko atu lana agatonu, ti ko leia e maokioki ke soko atu lana maokioki.

Apokalipisi 3:18

e kau kole kiate koe ke ke totogi atu iate au se aulo kua fakamea e le afi, o tupu ke ke liliu o mou koloa, ti mo ni kofu tetea, o tupu ke ke kofu ai, ti ke aua na sa le luma o lou telefua, ti mo se tului ke tului ai ou mata, o tupu ke ke tio malama.

Uluaki tosi a Samuele 24:13

Ke tui fakamaau loa le Eteleno iate au mo koe, ti ke totogi loa e le Eteleno kiate koe le veli e ke fai kiate au ; kae e leaise kau falo loa loku lima kiate koe.