Taniela 12:1 - Tosi Tapu

¹ I le temi aia, e tuu ake loa Misaele, ko le pule lasi, ko le taupau o fanau o lou kakai ; ti e soko loa se temi mamae lasi ai, leia e leikiaise sona tatau talu mei le tuu o atu puleaga o kaku mai ki le temi nei. I le temi aia, ko latou ala o lou kakai e maua loa na tosi i le tosi e fakamauli loa.

Taniela 12:1 Iomraidhean Croise

Pesalemo 56:8

I le lasi o lalatou agaveli, e lotou manatu e lotou sao loa : I lou sausau, ei Atua, ke ke laku latou ki le kele !

Pesalemo 69:28

Ke ke tosi alatou agaveli fuli, Ti ke aua na lotou kau ki lou manava alofa !

Esaia 4:3

Ti e igoa loa ko maokioki Latou ala na toe i Sione, Ti mo latou ala na toe i Selusalemi, Io, a tagata fuli i Selusalemi e tosi loa i le kau mauuli,

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Selemia 30:10

Ti ko koe, Sakopo, laku tagata fakasausau, aua na ke i, e pati le Eteleno ; Aua na loto gaegae, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia na nofo popula ai. E toe liliu loa Sakopo, ti e fiafia loa a ia i le malolo mo le fimalie, Ti e leaise toe fakaveli loa se tasi kiate ia.

Selemia 30:7

Malaia ! Talie e lasi le aso lena ; E leaise sona tatau : Ko se temi mamae kia Sakopo, Kae e saofaki loa a ia i ai.

Esekiele 13:9

E vilo loa loku lima ki le kau polofeta Ala e fai ia ni tio vaiga mo ni kikite loi ; E leaise lotou toe kau loa i le fakatasiga o loku kakai, E leaise tosi loa latou i le tosi o le fale o Iselaele, Ti e leaise lotou ulu loa ki le fenua o Iselaele. Ti e kotou iloa loa ko au ko le Aliki, le Eteleno.

Esekiele 34:24

Ti ko au, le Eteleno, e kau liliu loa ko lolatou Atua, ti e nofo loa laku tagata fakasausau ko Tavite ko le aliki ia latou. Ko au, le Eteleno, kua kau masau.

Esekiele 5:9

O tupu ko au aga fakalialia fuli, e kau fai loa kiate koe le nea leia na leikiaise kau fai i se aso, le nea leia e leaise kau toe fai loa i se aso.

Taniela 10:13

Kae na fakatutuu le pule o le puleaga o Pelesi kiate au i aso e kau lua tupu tasi ; kae ko leinei, ko Misaele, ko se tasi o le kau pule lalasi, kua au o tokoi mai kiate au, ti na kau nofo loa i ai i tafa o sau o Pelesi.

Taniela 10:21

Kae e kau loto ke fakasa atu kiate koe le nea leia kua tosi i le tosi o le maoki. E leaise tokoi mai se tasi kiate au kia latou ana, gato ko Misaele, lokoutou pule.

Taniela 11:45

E fakatuu loa e ia ona falela fakasau i le vasa o le tai mo le mauga tapu o le fenua manuia. Ti e kaku loa a ia ki lona fakaoki, kae e leaise tokoi fua se tasi kiate ia.

Taniela 7:10

Na tafe se vaitafe afi mei ona mua. Na lau i afe mo afe latou ala na tausi kiate ia, ti mo miliona mo miliona latou ala na tutuu i ona mua. Na ekeeke loa a tui fakamaau, ti na fakamavaa loa ni tosi.

Taniela 9:12

Kua fakasoko e ia a folafola ala na puaki kia matou ti mo omatou pule ala na lagiaki ia matou, na kakau mai e ia kia matou se malaia lasi, ti e leikiaise toe soko se malaia felaaki i le lalo lagi nei, se malaia o tatau mo leia kua soko ki Selusalemi.

Soele 2:2

Aso o fakapouli mo le pouli loloto, Aso o ao mo kokofu, E au a ia ofaipe le mafola o le pouli i aluga o mauga. Ko leinei se kakai toka api mo makeke, Leia e leai sona tatau, Ti e leaise toe maua sona tatau i temi ki muli.

Malakia 3:16

Ti na masau loa latou ala e i ki le Eteleno ia latou ; Na tokaga loa le Eteleno, ti na fakalogo loa a ia. Ti na tosi loa se tosi fakamanatu i ona mua Kia latou ala e i ki le Eteleno Ti e fakaapaapa ki lona suafa.

Mateo 24:21

Talie, i aso ana, e soko loa se mamae lasi, leia e leai sona tatau talu mei le kamataaga o le malama nei o kaku mai ki le aso nei, ti e leaise toe maua foki sona tasi ake tatau i se aso.

Maleko 13:19

Talie e lasi ake loa le mamae i aso ana i mamae fuli ala kua sa talu mei le fakatupu o le malama nei e le Atua o kaku mai ki le temi lena, ti e leaise toe loa i ai ni iki o tatau mo latou ki muli.

Luka 10:20

Kae aua na kotou fiafia, o tupu kua fakalogo atu a laumalie veli kia koutou ; kae kotou fiafia talie kua tosi okoutou igoa i le atu lagi.

Loma 11:15

Talie kapau ko lolatou tiaki, ko le fakatokatoka a ia o le malama nei mo le Atua, e feaki ake loa lolatou toe aumai ? Ko le mauli loa aia kia latou ala na mamate ?

Loma 11:26

Ti o fakamauli loa a Iselaele katoa, o mulimuli ki le nea e tuu i le Tosi : E au loa le fakamauli mei Sione, Efakamaliu loa e ia meia Sakopo a agasala ;

Efeso 1:21

o taualuga ake i pule fuli, mo makeke fuli, mo mafimafi fuli, mo mamalu fuli, ti mo igoa fuli ala e feala ke sua, o leaise gato fua i le sekulo leinei, kae i le sekulo foki ka au.

Filipe 4:3

Ti ko koe foki, ko loku kaukau nea agatonu, io, e kau kole atu kiate koe ke ke tokoi kia laua, ala na tau fakatasi mo au ki le Evaselio, ti mo Kelemete mo la ake oku kaukau soa i le gaoi, latou ala kua tuu olatou igoa i le tosi o le mauli.

Suta 1:9

Kae na leaise fai fua le nea lena e le alekaselo ko Mikaele. I lana fefele mo le Tiapolo ki le tino o Moisese, na leaise fai e ia se masau nukinuki ki le Tiapolo ; kae na pati a ia : ke lolomi a koe e le Atua !

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,

Apokalipisi 12:7

Ti na i ai loa se tau lasi i le lagi. Na tau loa Mikaele mo ana kau aselo ki le gata. Ti na tau loa kia latou le gata mo lana kau aselo.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.

Apokalipisi 17:14

Ti e lotou tau loa ki le Akeno, ti e malo loa le Akeno ia latou, talie ko le Aliki a ia o aliki, ti ko le Sau a ia o atu sau ; ti e toe malo foki ia latou le kau kalagai, mo le kau filifiliia, ti mo le kau agatonu ala e nonofo mo ia.

Apokalipisi 20:12

Ti na kau tio loa ki le kau mate, lalasi mo liliki, na tuu i mua o le ekeekeaga fakasau. Ti na fakamavaa loa ni tosi. Ti na fakamavaa loa mo se tasi ake a tosi, leia ko le tosi o le mauli. Ti na fakamaaui loa le kau mate o mulimuli ki alatou gaoi, ofai ki le nea leia e tuu i tosi ana.

Apokalipisi 20:15

Ko leia na leaise maua kua tosi i le tosi o le mauli, na ti loa a ia ki le tai afi.

Apokalipisi 3:5

Ko leia e malo loa, e fakakofu loa a ia ki ni kofu tetea ; e leaise kau soloi loa lona igoa i le tosi o le mauli, ti e kau fakasa loa lona igoa i mua o loku Tamana ti mo mua o ana kau aselo.

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.