Taniela 11:6 - Tosi Tapu

⁶ I le oki o ni fetuu, e la fakatasi loa, ti e avaga loa le taine o le sau o le saute mo le sau o le noleto, o fakamaoki ai le sai mo ia. Kae e leaise taupau loa e le taine le makeke o lona lima, ti e leaise mauli loa lona avaga totonu, tatau mo lola fanau. Ti e mate loa le taine, mo lona kau kaiga, mo lona tamana, mo lona avaga leia na tokoi kiate ia i le temi lena.

Taniela 11:6 Iomraidhean Croise

Sopo 38:15

Ke too ai le malama i le kau agaveli, Ti ke fatii ai le lima leia e siki ki aluga ?

Pesalemo 10:5

E manuia ona ala i temi fuli ; E leaise kaku kiate ia au fakamaau, Ti e pusii e ia latou fuli ala e fakafesagai kiate ia.

Esekiele 30:21

Vosa o le tagata, kua kau fatii le lima o Falaone, le sau o Esipito ; Ti ko leinei, na leaise faitoo le lima ke malie, Na leaise sai a ia ki se kie Ke sosoko ona ivi ti ke fakamakeke ai, O tupu ke toe feala lana too le seleta.

Taniela 11:13

Talie e toe tanaki loa e le sau o le noleto se kau tau leia e toe lasi ake i le uluaki kau tau. E sili loa ki ai ni fetuu, ti e saele loa a ia mo se kau tau lasi ti mo ni masafu tau ala e toe lasi ake.

Taniela 11:15

E saele loa le sau o le noleto, ti e fakatuu loa e ia ni fata ke taui ai a kolo tau, ti e maua loa e ia latou. E leaise feala loa ke tuu a kau tau a le sau o le saute mo lana kau solia makeke : E leaise maua loa solatou makeke ke tuu i mua o le sau o le noleto.

Taniela 11:40

I le temi o le fakaoki, e toe malaga loa le sau o le saute kiate ia. Kae e oso loa le sau o le noleto kiate ia ofaipe se afa makeke, mo ni saliote, mo ni tagata ekeosi, ti mo se fua vaka tau lasi ; ti e ulu loa le sau o le noleto mo lana solia ki ni fenua mauke, ti e mafolafola loa a ia ofaipe se vaitafe leia kua puke.

Taniela 11:7

E somo ake loa se uli i ona aka o too lona tuulaga ; ti e au loa a ia o fakaii le kau tau o le sau o le noleto, i ona kolo tau. E taui loa e ia le kau tau lena, o malo.

Sakalia 11:16

Talie ko leinei, e kau lagai loa i le fenua se tagata tausi manu leia e leaise tokaga loa ki le kau ovi leia ka mate ; e leaise ano loa a ia o afa a ovi ala koi muli, e leaise faitoo loa e ia a ovi ala kua lavelavea, e leaise fagai loa e ia a ovi ala e malolo ; kae e kai loa e ia le kanofi o ovi ala e pepeti, ti e kai loa e ia latou o kaku ki olatou motikuku.