Taniela 11:4 - Tosi Tapu

⁴ Kae ka taualuga loa a ia, e maumaui loa lona puleaga, o mavetevete ki potu matagi e fa ; e leaise maua loa lona puleaga e ona sakoga, talie e vaevae loa lona puleaga e ni kakai kese ake, kae e leaise maua loa e puleaga ana le makeke leia na nofo mo ia.

Taniela 11:4 Iomraidhean Croise

Pesalemo 39:6

Ko leinei, na ke tuku ki oku aso le lau lasi o le alofilima, Ti e fai loku mauli pe se nea noa i ou mua. Io, ko tagata fuli e tuu i aluga e faipe se tukumanava. - Manava.

Ekelesiasi 4:8

Ko leinei se tagata leia na toka tasi malie, ti na leaise se maua sona kaukau nea, pe ko sona vosa, pe ko sona taina, kae na leaise se toe oki lana gaoi, ti na leaise toe makona ona mata i ona koloa i se aso, logo ai e pati a ia : E kau gaoi nei ma ai, ti e kau taofi le fiafia ki loku laumalie o tupu ko ai ? Ko se tasi foki a ia vaiga mo se tasi nea veli.

Selemia 12:15

Kae ka oki loa laku taaki latou, E kau toe alofa loa kia latou, Ti e kau toe aumai loa latou taki toka tasi ki lona tofiga, Taki toka tasi ki lona fenua.

Selemia 12:17

Kae kapau e leaise lotou fakalogo ki se nea, E kau maumaui loa le puleaga lena, E kau maumaui loa a ia, e kau tamate loa a ia, e pati le Eteleno.

Selemia 18:7

E fokifa e kau masau, ki se kakai, ki se puleaga, Ke taaki, ke tuuti ti ke maumaui.

Selemia 31:40

E fakatapu loa ki le Eteleno le vaivailiua katoa o le kau mate mo le mugalafu, Ti mo faisaga fuli o kaku ki le liua o Setolone, O kaku ki le matapa o osi i le potu esite, Ti e leaise toe taaki loa pe toe maumaui loa latou i se aso.

Selemia 45:4

Pati kiate ia : E folafola le Eteleno, o pati : Ko leinei, e kau maumaui loa le nea leia kua kau fakatuu ; ti e kau taaki loa le nea leia kua kau to, io, le fenua katoa leinei.

Selemia 49:36

E kau aumai loa kia Elame a matagi e fa o potupotu e fa o le lagi, E kau fakamavetevete loa latou ki matagi fuli ana, Ti e leaise i ai loa se puleaga Leia e kaku loa ki ai latou ala na sosola i Elame.

Esekiele 37:9

Na pati mai loa a ia kiate au : Kikite, o masau ki le laumalie ! Kikite, vosa o le tagata, o pati ki le laumalie : E folafola le Aliki, le Eteleno, o pati : Laumalie, au i fetuu matagi e fa, agi ki mate anei, ti ke lotou toe mauli !

Taniela 7:2

Na kamata loa e Taniela lana fakamatala, o pati : Na kau tio i laku moe miti i le pouli : ti ko leinei, na agi makeke loa a matagi e fa o le lagi ki le tai lasi.

Taniela 7:6

I le sili o le nea lena na kau tio loa, ti ko leinei na fai se tasi a manu pe se leopale, ti na tuu i lona tua ni kapakau e fa ofaipe se manu lele ; na maua e le manu lena ni fa ulu e fa, ti na soli kiate ia le pule.

Taniela 7:8

Na kau tokaga loa ki tala, ti ko leinei na somo ake loa se ga tala ikiiki i loto malie o tala, ti na mataaki loa a tala e tolu o uluaki tala i mua o le ga tala lena. Ti ko leinei, na maua loa e le tala foou lena ni ona mata ofaipe se tagata, ti mo se gutu leia na masau matasoka.

Taniela 8:22

Ko tala e fa ala na malaga ake o fetogi le tala lasi lena kua fati, ko puleaga ana e fa ala e sosomo ake loa o fetogi le puleaga lena, kae e leaise lotou maua loa le makeke o le uluaki puleaga.

Taniela 8:8

Na liliu loa le koti tagata o makeke lasi ; kae i lana kaku o makeke, na fati loa lona tala. Na malaga ake loa a tala lalasi e fa o fetogi a ia, i fetuu matagi e fa o le lagi.

Sakalia 2:6

Kotou sosola, kotou sosola i le fenua o le noleto ! E pati le Eteleno : Talie na kau fakamavetevete koutou ki potupotu e fa o le lagi, E pati le Eteleno.

Sakalia 6:5

Na tali mai loa le aselo kiate au : Ko matagi ana e fa o le lagi, ala e ulu mei le ganea leia e lotou tutuu ai i mua o le Aliki o le malama nei katoa.

Mateo 12:25

I le iloa e Sesu o alatou manatu, na pati loa a ia kia latou : Ko Puleaga fuli ala kua mavaevae e maumau loa, ti ko kolo fuli pe ko fale fuli ala kua mavaevae e leaise mafai loa ke tuu fualoa.

Luka 12:20

Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?

Apokalipisi 7:1

I le oki o le nea lena, na kau tio loa ki aselo e toka fa i potupotu e fa o le malama nei. Ti na lotou taofi a matagi e fa o le malama nei, ke aua na agi se matagi ki le kele, pe ki le tai, pe ki se laakau.