Taniela 11:32 - Tosi Tapu

³² E fakasesei loa e le sau lena, ki ana kaka, latou ala e tiaki ia le sai maokioki. Kae ko latou ala o le kakai e iloa ia loa lolatou Atua, e tuu makeke loa,

Taniela 11:32 Iomraidhean Croise

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Neemia 4:14

Na kau tio loa kia latou, ti na kau pati loa ki le kau lalasi, mo le kau pule, ti mo le toega o le kakai : Aua na kotou i kia latou ! Kotou manatui le Aliki lasi mo fakaii, ti kotou tau o tupu ko okoutou fetaina, mo okoutou vosa, mo okoutou taineliki, mo okoutou avaga, ti mo okoutou fale !

Pesalemo 9:10

Ko le Eteleno ko se mumuniaga ki le tagata leia e fakavelivelii, Ko se mumuniaga i le temi o le mamae.

Taagapati 19:5

E leaise sala tautea loa le tagata fakamaoki loi, Ti e leaise sao loa leia e fai ia ni loi.

Taagapati 26:28

E vesia le alelo loi kia latou ala na lavea iate ia, Ti e teuteu e le gutu fakalapulapu le malaia.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Taniela 11:21

E too loa lona tuulaga e se tagata noa, kae na leaise kau a ia ki le tuulaga fakasau. E sa loa a ia i loto malie o le tokamalie, o too le puleaga ki ni puleaki kaka.

Taniela 11:34

I le temi leia e lotou vivilo ai loa, e lotou maua loa se ga tokoi ikiiki, ti e pipiki loa le i kia latou i le malualoi.

Sakalia 10:12

E kau fakamakeke loa latou i le Eteleno, Ti e lotou saele loa i lona suafa, E folafola le Eteleno.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.

Apokalipisi 6:11

Ti na soli loa se kofu tea ki le tagata taki toka tasi o latou ; ti na pati loa kia latou ke lotou toe malolo mua i se ga temi ikiiki, ke katoa le api o olatou kau tagata gaoi ti mo olatou fetaina ala kua tonu ke maletile ofaipe latou.