Taniela 11:30 - Tosi Tapu

³⁰ E au loa ni vaka mei Kitimi, o taui a ia ; ti e loto gaegae loa a ia, o toe liliu. I lona itaita ki le sai maokioki, e leaise nofo noa loa a ia ; kae e toe fulusi loa e ia ona mata kia latou ala e leaise taupau ia loa le sai maokioki.

Taniela 11:30 Iomraidhean Croise

Senesi 10:4

Ko vosa o Savani : Ko Eliseka, mo Talasisi, mo Kitimi, mo Totanimi.

Uluaki tosi o Koloniko 1:7

Ko vosa o Savani : Ko Eliseka, mo Talesisa, mo Kitimi, mo Lotanime.

Neemia 6:12

Na kau iloa loa i le nea lena na leaise kakau mai a ia e le Atua. Kae na fai e ia le kikite lena kiate au, o tupu na soli se paaga e Sanepala mo Topisa kiate ia.

Esaia 23:1

Folafola a le Atua ki Tile. Kotou fetagisi, koutou ko vaka o Talesisi ! Talie kua maumau a Tile : e leaise koi toe se fale ! e leaise koi maua se matapa ! Na kaku mai le logo kia latou mei le fenua o Kitimi.

Esaia 23:12

Na pati a ia : Taine o Sitone, taupoou kua maumaui ! E leaise ke toe fakafiafia loa. Ti kapau e ke tuu loa ki aluga, o ano ki le fenua o Kitimi, E leaise ke maua ai foki se maloloaga.

Selemia 2:10

Kotou ano ki atu motu o Kitimi, ti kotou tio ! Kotou kakau se tasi ki Ketale, ti kotou fakakaukau, Ti kotou tio pe lotou tatau mo koutou !

Esekiele 27:6

Na lotou fau ou foe ki le sene o Pasani, Ti na lotou fau ou ekeekeaga ki le lei na gaoi i le sete Ti na aumai mei motu o Kitimi.

Taniela 11:28

E toe liliu loa le sau o le noleto ki lona fenua mo se koloa lasi. E vesia loa a ia i lona loto ki le kakai o le sai maokioki, ti e fakafesagai loa a ia ki ai, ti e toe liliu loa a ia ki lona fenua i le fakaoki.

Taniela 11:29

I se temi kua oki i le fakatuutuu, e toe liliu mai loa le sau o le noleto o taui le puleaga o le saute, ti e leaise toe soko loa a nea i le faiaga lena o tatau mo le uluaki faiaga.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Numelo 24:24

Kae e au loa ni vaka mei Kitimi, E lotou fakamamae loa le kau Asilia, e lotou fakamamae loa le Epeleo ; Ti e toe maumaui loa mo ia foki.

Mateo 24:10

I temi ana e tiaki loa e le toka api le tui, ti e lotou fefolafolaaki loa mo fevesiaaki loa ia latou.

Apokalipisi 12:12

Koia kotou fiafia, atu lagi, ti mo koutou ala e nonofo i le atu lagi. Malaia ki le kele mo le tai ! Talie kua ifo le Tiapolo kia koulua, kua makita i le ita lasi, talie e iloa e ia kua toetoe fua lona temi.