Taniela 11:22 - Tosi Tapu

²² E leaise feala ke tuu loa se solia i ona mua, e maumaui loa e ia a solia fuli, ti e tamate loa e ia se tasi a pule o le sai.

Taniela 11:22 Iomraidhean Croise

Esaia 28:15

E kotou pati : kua motou fai se sai mo le mate, Kua motou fai se fakapapau mo le nofoaga o le kau mate ; Ka mapaa mai loa ki fafo le malaia, e leaise lave mai loa a ia kia matou ; Talie ko lomatou solaaga ko le kaka, ti ko lomatou mumuniaga ko le loi.

Taniela 11:10

Ko vosa o le sau o le potu noleto e teuteu ia loa se tau. E lotou tanaki loa ni kau tau lasi. E ano loa se tasi o vosa ke tau mo lana kau tau. Ti e lotou mafola loa ofaipe se vaitafe leia kua puke. Kae i lana toe liliu ki lona fenua, e soko atu loa e ia le tau o kaku ki le kolo tau o le sau o le saute.

Taniela 11:23

I le oki o le fai o ni fakapapau mo ia, e fai loa e ia ni puleaki kaka ; e saele loa a ia ki le tau ti e malo loa a ia mo se ga kakai lavaki fua.

Taniela 8:25

O tupu ko le lasi o lona koloa ti mo le manuia o ana kaka, e maua loa e ia i lona loto le fia nealasi, ti e tamate loa e ia ni tagata i ala na mauli fimalie, ti e malaga loa a ia ki le Aliki o aliki ; kae e fatii loa a ia, sala mo se tokoi a se lima.

Taniela 9:26

I le oki o vasaa e kau ono tupu lua, e too loa le Mesia, ti e leaise maua loa sona fetogi. E au loa se pule mo lana solia, o maumaui le kolo mo le fale tapu. Kae e soko loa lona fakaoki ofaipe se lomaki ; kae o kaku ki lona mate, e fai loa e ia se tau maumau, o mulimuli ki le nea leia kua fakatotonu.

Amosi 8:8

Pe leaise lulu loa le fenua o tupu ko latou ? Pe leaise tagi laulau loa le kakai katoa ? E pale ake loa le fenua katoa ofaipe se vaitafe, E malaga loa a ia ki aluga ti e toe ifo loa a ia ki lalo ofaipe le vaitafe o Esipito.

Amosi 9:5

E fafa le Aliki, le Eteleno o kau tau, ki le malama nei, ti e galulu a ia, Ti e tagi laulau loa lona kakai katoa. E malaga le kele katoa ki aluga ofaipe le vaitafe, Ti e ifo a ia ki lalo ofaipe le vaitafe o Esipito.

Naume 1:8

Kae e maumaui loa e ia le kolo Ki ni galu o le malaia, Ti e tuli loa e ia ona fili o kaku ki le fakapouli.