Taniela 11:12 - Tosi Tapu

¹² E fia nealasi loa le kakai i lena, ti e fia nealasi loa le loto o le sau ; kae logo ai le lau i afe mo afe o solia, e tamate loa latou, e leaise malo loa a ia.

Taniela 11:12 Iomraidhean Croise

Lua tosi o Sau 14:10

Na ke tamate le kau Etome, ti kua malaga lou loto ki aluga. Fakafiafia ki lou malo, ti ke nofo i lou fenua. Kolea e ke oso ai ki se nea fakatupu tutamaki, leia e aumai ia loa le malaia kiate koe mo Suta ?

Lua tosi o Koloniko 25:19

E ke pati, na ke taai le kau Etome, ti kua malaga lou loto ki aluga o ke fakakololia kiate koe. Ke ke nofo i le aso nei i lou fenua. Kolea e ke loto ai ki se tau leia ka sikuga veli loa kiate koe mo Suta ?

Lua tosi o Koloniko 26:16

Kae i le temi leia na kaku ai loa a ia o makeke, na malaga loa lona loto o tupu ai lona vilo. Na ulu loa a ia ki le fale o le Eteleno o tutu ni kaloni i le aletale o kaloni.

Lua tosi o Koloniko 32:25

Kae na leaise tali loa Esekiasi ki le alofa na tali e ia, talie na malaga loa lona loto ki aluga ; ti na nofo loa le sausau o le Eteleno mo ia, mo Suta, ti mo Selusalemi.

Taagapati 16:18

E muamua le fia nealasi i le maumau, Ti ko le loto fia masiki i le siga.

Esekiele 28:17

Na malaga ki aluga lou loto o tupu ko lou fulumalie, Na ke fakakelekele lou poto ki lou kololia ; E kau ti a koe ki le kele, E kau tuku a koe ki mua o sau ke lotou tio kiate koe.

Esekiele 28:2

Vosa o le tagata, pati ki le sau o Tile : E folafola le Aliki, le Eteleno, o pati : Kua malaga ki aluga lou loto, ti kua ke pati : E kau Atua, E kau ekeeke i le ekeekeaga o le Atua, i le manava o atu tai ! Ko koe, e ke tagata kae e leaise ke Atua, Ti e ke too lou finegalo ki le finegalo o le Atua.

Esekiele 28:5

I lou poto lasi mo lau fai koloa Na ke fakatupu o lasi ou koloa, Ti na malaga ki aluga lou loto o tupu ko ou koloa.

Taniela 11:11

E ita loa le sau o le saute, leia e au loa mei lona fenua o taui le sau o le noleto ; e lagai loa e ia se kakai i, ti e tuku loa ki ona lima a solia a le sau o le noleto.

Taniela 11:13

Talie e toe tanaki loa e le sau o le noleto se kau tau leia e toe lasi ake i le uluaki kau tau. E sili loa ki ai ni fetuu, ti e saele loa a ia mo se kau tau lasi ti mo ni masafu tau ala e toe lasi ake.

Taniela 5:23

Na ke malaga ki aluga o agatuu ki le Aliki o le atu lagi ; ti na ke aumai a ipu o lona fale ki ou mua, ti na kotou inu ki ai le vino, e koe mo lau kau lalasi, mo au avaga, mo au feauaki ; na ke fakavikiviki ki atua siliva, mo aulo, mo kapa, mo ukamea, mo laakau, mo fatu, ala e leaise logo fua, e leaise tio fua, ti e leaise iloa fua se nea, kae na leaise ke fakakololiai le Atua leia e too ia i lona lima lau tukumanava ti mo ou ala fuli.

Taniela 8:25

O tupu ko le lasi o lona koloa ti mo le manuia o ana kaka, e maua loa e ia i lona loto le fia nealasi, ti e tamate loa e ia ni tagata i ala na mauli fimalie, ti e malaga loa a ia ki le Aliki o aliki ; kae e fatii loa a ia, sala mo se tokoi a se lima.

Tetelonome 8:14

ke ke tokaga ai na makita loa lou loto, o ke galoi loa le Eteleno, lou Atua, leia na fakamavae ia a koe mei le fenua o Esipito, mei le fale o le popula,

Uluaki tosi kia Timoteo 3:6

E leaise tonu ko se tasi leia nao tafoki foou, talie ke aua na makita a ia i le fia nealasi o vilo ki le fakamaau a Satana.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.