Taniela 11:11 - Tosi Tapu

¹¹ E ita loa le sau o le saute, leia e au loa mei lona fenua o taui le sau o le noleto ; e lagai loa e ia se kakai i, ti e tuku loa ki ona lima a solia a le sau o le noleto.

Taniela 11:11 Iomraidhean Croise

Uluaki tosi o Sau 20:13

Kae ko leinei, na fakafeofi ake loa se polofeta kia Akapo, sau o Iselaele, o pati kiate ia : Ko leinei le folafola a le Eteleno : Pe kua ke tio ki le kakai api lena ? E kau tuku atu loa latou ki ou lima i le aso nei, ti e ke iloa loa ko au ko le Eteleno.

Uluaki tosi o Sau 20:28

Na fakafeofi ake loa le tagata a le Atua, o pati ki le sau o Iselaele : Ko leinei le folafola a le Eteleno : Talie kua pati le kau Silia : Ko le Eteleno ko se atua o mauga kae e leaise ko se atua o potu laumalie, e kau tuku loa le kakai toka api lena ki ou lima, ti e kotou iloa loa ko au ko le Eteleno.

Pesalemo 76:10

I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

Selemia 27:6

Ti ko leinei, kua kau tuku a fenua fuli anei ki lima o Nepukatenesale, sau o Papilone, ko laku tagata fakasausau ; ti kua kau soli foki kiate ia a manu o faisaga ke fakalogo kiate ia.

Taniela 11:12

E fia nealasi loa le kakai i lena, ti e fia nealasi loa le loto o le sau ; kae logo ai le lau i afe mo afe o solia, e tamate loa latou, e leaise malo loa a ia.

Taniela 11:40

I le temi o le fakaoki, e toe malaga loa le sau o le saute kiate ia. Kae e oso loa le sau o le noleto kiate ia ofaipe se afa makeke, mo ni saliote, mo ni tagata ekeosi, ti mo se fua vaka tau lasi ; ti e ulu loa le sau o le noleto mo lana solia ki ni fenua mauke, ti e mafolafola loa a ia ofaipe se vaitafe leia kua puke.

Taniela 11:44

Kae e kaku mai loa ni logo mei le esite mo le noleto, o fakaii kiate ia, ti e ano loa a ia mo se ita lasi, o maumaui mo tamate se kakai toka api.

Taniela 11:5

E liliu loa le sau o le saute o makeke lasi. Kae e toe makeke ake loa iate ia se tasi i ana tagata pule tau, ti e pule loa a ia ; ti e makeke loa lana pule.

Taniela 2:38

kua toe soli foki e ia ki ou lima, i ganea fuli ala e lotou nonofo ai, a fanau a tagata, mo manu o le vao, mo manu lele o le lagi, ti kua tuku e ia kiate koe le pule kia latou fuli : ko koe leia ko le fa ulu aulo.

Taniela 8:7

Na kau tio loa kiate ia kua fakafeofi ki le ovi tagata, o itaita kiate ia ; na taai loa e ia le ovi tagata, o fatii ona tala e lua, kae na leaise maua loa e le ovi tagata se makeke ke tuu i ona mua. Na ti loa e ia le ovi tagata ki le kele, o takatakafi a ia, ti na leaise tasi ke saofaki ia a ia.