Taniela 10:19 - Tosi Tapu

¹⁹ Ti na pati mai loa a ia kiate au : Aua na ke i, tagata alofaina, ke iate koe le tokamalie ! Loto makeke ! Loto makeke ! I le lolotoga o lana masau mai kiate au, na kau toe maua loa loku makeke, ti na kau pati loa : Ke masau loku Aliki, talie kua ke fakamakeke au.

Taniela 10:19 Iomraidhean Croise

Pesalemo 138:3

I le aso leia na kau kalaga ai kiate koe, Na ke tali mai kiate au, na ke fakafimalie au, na ke fakamakeke loku laumalie.

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Taniela 10:18

Ti ko leia na faipe se vosa o le tagata na toe fafa mai loa kiate au, ti na fakamakeke loa e ia au.

Taniela 9:23

I lau kamata faikole, na kaku mai loa le folafola, ti kua kau au o fakasa atu a ia kiate koe ; talie ko koe ko se tagata alofaina. Tokaga ki le folafola, ti mo ke matala ki le tio !

Akeseo 2:4

I temi nei ke ke lotomakeke, Solopapele ! e folafola le Eteleno. Ke ke lotomakeke, Sosue, vosa o Sotesatake, pule faisakilifisio ! Ke ke lotomakeke, kakai katoa o le fenua ! e pati le Eteleno. Ti ke kotou gaoi ! Talie e kau nofo mo koutou.

Sakalia 8:13

Fale o Suta, fale o Iselaele, ofaipe lokoulua liliu ki atu puleaga ko ni nea fakatupu malaia i mua, koia e kau saofaki ai loa koulua ti e kolua liliu loa ko se tapuakina. Aua na kolua i, kae ke kolua fakamakeke okoulua lima !

Sakalia 8:9

Koia e folafola ai le Eteleno o kau tau, o pati : Kotou fakamakeke okoutou lima, koutou ala e logo i le aso leinei ki folafola anei mei le gutu o polofeta ala na sa i le temi leia na fakatafito ai le fale tapu o le Eteleno o kau tau, i le temi leia na kamata fakatuu ai le fale tapu.

Soane 11:3

Na kakau loa e le tautaina ke pati kia Sesu : Aliki, tio, ko leia e ke alofa ki ai e masaki.

Soane 11:36

I le nea lena, na pati loa le kau Sutea : Kotou tio ki le lasi ai o lona alofa kiate ia !

Soane 11:5

Kae na alofa Sesu kia Maleta, mo lona taina, ti mo Lasalo.

Soane 14:27

E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Soane 19:26

Koia i le tio a Sesu ki lona tinana, mo le tisipulo leia na alofa a ia ki ai i tafa o lona tinana, na pati loa a ia ki lona tinana : Fafine, ko lena lou tama.

Soane 21:20

Ti na mafuli loa ki muli Petelo, o tio e au i ola muli le tisipulo leia na alofa ki ai Sesu, leia na punou ki le fatafata o Sesu i le lolotoga o le kai afiafi, o pati : Aliki, ko ai leia e fakatau ia loa a koe ?

Uluaki tosi ki le kau Kolinto 16:13

Kotou alaala, kotou tuu makeke i le tui, kotou faipe ni tagata, kotou makeke.

Lua tosi ki le kau Kolinto 12:9

kae na pati mai a ia kiate au : e feauga loku kalasia kiate koe, talie e fakasoko loku makeke i le gaegae. Koia e kau fakakololia tafito loa i oku gaegae, o tupu ke nofo le makeke o Kilisito iate au.

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Lua tosi kia Timoteo 2:1

Ko koe loa, ei laku fanau, fakamakeke a koe i le kalasia leia ia Sesu-Kilisito.

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Apokalipisi 1:17

I laku tio kiate ia, na kau fakamapee loa i ona vae ofaipe se tasi leia kua mate. Kae na teki loa e ia lona lima atamai kiate au, o pati : Aua na ke i !

Tuifakamaau 6:23

Ti na pati loa le Eteleno kiate ia : Nofo i le tokamalie, aua na ke tuania se nea, talie e leaise ke mate loa.