Taniela 10:17 - Tosi Tapu

¹⁷ E feaki loa le mafai o le masau a le tagata fakasausau a loku aliki ki loku Aliki ? Ko leinei kua puli loku makeke, ti e leaise koi mafai laku tukumanava.

Taniela 10:17 Iomraidhean Croise

Senesi 32:20

Ti e kotou toe pati loa : Ko leinei lau tagata fakasausau ko Sakopo e au i omatou muli. Talie na pati loa Sakopo : E kau fakafimalie loa lona loto ki le moliga lena e ave i oku mua. Ti ka kau tio loa ki ona mata, e lagi tali malie loa e ia au.

Ekesote 33:20

Na pati loa le Eteleno : E leaise feala ke ke tio ki oku mata, talie e leaise feala ke tio le tagata kiate au ti mauli.

Taniela 10:8

Na kau nofo toka tasi loa, o tio ki le nea lasi lena kua sa mai kiate au ; na leaise koi kau maua soku makeke, ti na fetogi loa oku mata i le lasi o loku i, ti na puli katoa loa loku makeke.

Taniela 4:19

Ti ko Taniela, leia e igoa ko Pelesatesale, na tuu noa mua i se ga temi, talie na sevaia lana fakakaukau. Ti na toe masau loa le sau, o pati : Pelesatesale, ke aua na ke i, o tupu ko le moe miti mo lona fakamatala ! Ti na tali loa Pelesatesale : Ei loku aliki, ke vilo le moe miti mo lona uiga ki ou fili !

Maleko 12:36

Talie na pati foki Tavite i le Laumalie Maokioki : Na pati le Aliki ki loku Aliki : Eke a koe i loku fetuu atamai, Okaku ke kau fakaliliu ou fili ko lou tekiaga vae.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Tuifakamaau 6:22

Na matala loa Seteone ko le aselo o le Eteleno. Ti na pati loa Seteone : Malaia kiate au ! Aliki Eteleno ! talie kua kau tio mata ki le aselo o le Eteleno.