Taniela 10:1 - Tosi Tapu

¹ I le fetuu tolu o Silusi, sau o Pelesi, na fakasa loa se folafola kia Taniela, leia na fakaigoa ko Pelesatesale. Ko le folafola lena, leia ko se folafola maoki, e fakasa ia se malaia lasi. Na tokaga loa a ia ki le folafola lena, ti na matala loa a ia ki le uiga o le tio.

Taniela 10:1 Iomraidhean Croise

Senesi 41:32

Kapau na tio tua lua Falaone ki le moe miti, ko lona uiga, kua fakapapau e le Eteleno ke fai le nea lena, ti e leaise toe talitali loa a ia.

Lua tosi o Koloniko 36:22

I le uluaki fetuu o Silusi, sau o Pelesi, o tupu ke fakasoko le folafola a le Eteleno leia na fakasa e le gutu o Selemia, na fafagu loa e le Eteleno le laumalie o Silusi, sau o Pelesi, leia na fakatotonu ia loa ke fai i lona puleaga katoa le lagiaki leinei ki le masau gutu mo ni tosi :

Esetalasi 3:7

Na soli loa se paaga ki le kau tafatu, mo le kau fai papa, ti na toe soli foki mo ni magiti, mo ni nea inu, ti mo se lolo, ki le kau Sitone mo le kau Tile, o tupu ke lotou aumai i le tai o kaku mai ki Safo ni sete mei Lipane, o mulimuli ki le fakataga leia na tuku kia latou e Silusi, sau o Pelesi.

Esetalasi 4:3

Kae na tali loa Solopapele, mo Sosue, ti mo la ake kau pule famili o Iselaele kia latou : E leaise tonu ke kotou kau mo matou ki le fakatuu o le fale o lomatou Atua ; e motou fakatuu tefua loa le fale o le Eteleno, le Atua o Iselaele, ofaipe le nea leia na fakatotonu mai kia matou e Silusi, sau o Pelesi.

Esetalasi 4:5

ti na lotou totogi paaga loa ni kau tagata i le kau pule a le sau o Pelesi, ke lotou faigai ke tiaki le gaoi. Na lotou fai fenaaki loa i le mauli katoa o Silusi, sau o Pelesi, o kaku ki le sau a Taliusi, sau o Pelesi.

Esetalasi 6:14

Ti na laga loa e le kau matua o le kau Sutea le fale o manuia, o mulimuli ki le folafola a le polofeta ko Akeseo, mo le polofeta ko Sakalia, vosa o Ito ; na lotou laga loa le fale o oki o mulimuli ki le fakatotonu a le Atua o Iselaele mo le fakatotonu a Silusi, mo Taliusi, mo Aletasese, ko sau o Pelesi.

Esetalasi 6:3

I le uluaki fetuu o le sau ko Silusi, na tuku e le sau ko Silusi le fakatotonu leinei o uiga mo le fale o le Atua i Selusalemi : Ke toe lagai le fale, ke liliu ko se ganea leia e momoli ai ni sakilifisio, ti ke makeke ona fakavae. Ko lona taualuga ko meta e kau tolu, ti mo lona lau lasi ko meta e kau tolu,

Esaia 44:28

E kau pati kia Silusi : Ko laku tagata tausi manu a ia, Ti e fakasoko loa e ia loku finegalo katoa ; E pati loa a ia ki Selusalemi : Ke toe laga a ia ! Ki le fale tapu : Ke toe fakavae a ia !

Taniela 1:17

Na soli loa e le Atua ki tupulaga ana e toka fa le poto, mo le atamai i faasiga faitosi fuli ti mo le poto ; ti na fakamatala loa e Taniela a tio fuli mo moe miti fuli.

Taniela 1:21

Na fenaaki loa le mauli o Taniela o kaku ki le uluaki fetuu a le sau ko Silusi.

Taniela 1:7

Na soli loa e le pule o le kau enuke ni igoa kia latou, kia Taniela le igoa ko Pelesatesale, kia Anania leia ko Satalake, kia Misaele leia ko Mesake, kia Asalia leia ko Apeteneko.

Taniela 10:14

E kau au i le lakaga nei o fakasa kiate koe le nea leia e tonu ke soko ki lou kakai i le temi ki muli ; talie ko le nea leia e ke tio ki ai e toe uiga foki mo le temi lena.

Taniela 11:2

I le aso nei, e kau fakasa kiate koe le maoki. Ko leinei, e toe maua loa ni sau e tolu i Pelesi. Ko le fa o sau e tanaki ia loa ni koloa o lasi ake ia latou fuli ala na muamua ; ti ka kaku loa a ia o makeke, o tupu ko ona koloa, e fai loa e ia a nea fuli ke taui ai le puleaga o Sava

Taniela 12:4

Ko koe Taniela, taupau fakafufu a folafola anei, ti ke fakamau le tosi o kaku ki le temi fakamuli. I le temi loa lena, e lau loa e se kakai i le tosi, ti e tupu loa le poto o lasi.

Taniela 12:9

Na tali loa a ia : Ano, Taniela, talie e taofi fakafufu loa a folafola anei ti e fakamau loa latou o kaku ki le temi fakaoki.

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Taniela 4:8

Na kaku fakamuli loa o aumai ki oku mua a Taniela, leia e igoa ko Pelesatesale, o mulimuli ki le igoa o loku atua, ti na maua iate ia le laumalie o atua maokioki. Na kau fakamatala loa kiate ia le moe miti :

Taniela 5:12

Talie na maua iate ia, ia Taniela, leia na fakaigoa e le sau ko Pelesatesale, se laumalie taualuga, mo se atamai, mo se poto, mo se malama ki le kikite o moe miti, mo le fakamatala o misitelio ti mo le fakatonutonu o nea faigataa. Koia, kalagai nei Taniela, ti e soli mai loa e ia lona uiga.

Taniela 5:17

Na tali loa Taniela i mua o le sau : Taupau ou nea alofa, soli ki se tasi ake au moliga ; kae e kau lau loa le faitosi ki le sau, ti e kau fakamatala loa kiate ia lona uiga.

Taniela 6:28

Na tapuakina loa Taniela i le sau o Taliusi, ti mo le sau o Silusi, tagata Pelesi.

Taniela 8:16

Ti na kau logo loa ki le leo o se tagata i loto malie o le vaitafe ko Ulai ; na kalaga loa a ia, o pati : Kapeliele, fakamatala kiate ia le tio.

Taniela 8:26

E maoki le tio o afiafi mo usu. Kiate koe, taupau fakafufu le nea leia na ke tio ki ai, talie ko se nea o uiga mo ni temi koi mamao.

Luka 1:20

Ti ko leinei, e ke gutu mate loa, ti e leaise mafai loa lau masau o kaku ki le aso leia e soko ai loa a nea ana, talie na leaise ke tui ki aku folafola, ala e soko loa i lona temi.

Apokalipisi 19:9

Ti na pati mai loa le aselo kiate au : Tosi : Manuia latou ala kua kalagai ki le kaitasi o le avaga o le Akeno ! Ti na toe pati mai loa a ia kiate au : Ko folafola anei ko folafola maoki latou a le Atua.