Taniela 1:9 - Tosi Tapu

⁹ Na fakatupu loa e le Atua i le loto o le pule o le kau enuke se loto malie mo se alofa kia Taniela.

Taniela 1:9 Iomraidhean Croise

Senesi 32:28

Ti na toe pati loa le tagata : E leaise toe igoa loa a koe ko Sakopo, kae e ke igoa loa ko Iselaele ; talie na ke poko mo le Atua ti mo ni tagata, ti kua ke malo.

Senesi 39:21

Na nofo loa le Eteleno mo Sosefo, ti na fakasa loa e ia lona agamalie kiate ia. Na tuku loa e ia kiate ia se kalasia i mua o le pule o le fale pilisoni.

Uluaki tosi o Sau 8:50

ke ke fakamolemole a agasala o lou kakai mo ana patigataa fuli kiate koe ; ke ke lagai le alofa ia latou ala e fakapopula ia latou, o tupu ke lotou alofa kia latou,

Neemia 1:11

Ei Aliki, ke tokaga mai lou taliga ki le kole a lau tagata fakasausau, ti mo le kole a au tagata fakasausau ala e loto ke i ki lou suafa ! Tapuaki i le aso nei lau tagata fakasausau, o ke tuku ke maua e ia se manava alofa i mua o le tagata leinei ! I le temi aia na kau pule ki le vino a le sau.

Neemia 2:4

Ti na pati mai loa le sau kiate au : Kolea e ke kole ? Na kau faikole i le temi lena ki le Atua o le atu lagi,

Esitele 2:9

Na malie loa le taine ki mata o Ekai, ti na maua loa e ia se kalasia i ona mua : ti na fakatavili loa a ia o tuku kia Esitele a nea fuli ala na aoga ki lona teuteui mo lana kai, ti na soli loa e ia kiate ia ni taineliki e toka fitu ala na filifili i le fale o le sau, ti na tuku loa e ia a Esitele mo lana kau taineliki ki le potu malie o le fale fafine.

Sopo 5:15

Kae e taupau e le Atua leia e gaegae mei le seleta o olatou gutu, Ti e saofaki e ia le mativa mei le lima o le kau makeke ;

Sopo 5:16

Koia e toe tuku e ia le amanaki malie ki le kau mativa, Kae e tapono e ia le gutu o le kau agaveli.

Pesalemo 106:46

Ti na fakatupu loa e ia le manava alofa i loto o latou ala na fakapopula ia latou.

Pesalemo 4:3

Vosa o tagata, e kaku loa kiafea mo lakotou fakanoai loku kololia ? E kaku loa kiafea mo lakotou alofa ki nea vaiga ? E kaku loa kiafea mo lakoutou afa le loi ? - Manava.

Taagapati 16:7

Ka malie a ala o se tagata ki le Eteleno, E fai e ia ke malilie mo ia ona fili foki.

Taniela 1:10

Ti na pati loa le pule o le kau enuke kia Taniela : E kau i ki loku aliki sau, leia na fakatotonu ia le nea leia e tonu ke kotou kai mo inu ; kolea e tio ai loa a ia ki okoutou mata e mamae ake i mata o la ake kau tupulaga leia e fetuu tasi mo koutou ; e teiteiki loa loku ulu o tupu ko koutou.

Gaoi 7:10

Kae na nofo loa le Atua mo Sosefo, o saofaki a ia i ona mamae fuli ; na soli loa e ia kia Sosefo le poto mo le kalasia i mua o Falaone, sau o Esipito, leia na fakanofo ia loa a ia ke kovana i Esipito, ti mo lona fale katoa.