Taniela 1:4 - Tosi Tapu

⁴ ni tama tupulaga lee mele fakatino, mo mata fulumalie, mo poto, mo atamai, ti na malie lolatou ako, ti na mafai ke gaoi i le fale o le sau, ti ke ako loa kia latou le faitosi mo le masau a le kau Kaletea.

Taniela 1:4 Iomraidhean Croise

Senesi 41:46

Na fetuu kau tolu Sosefo i lana ano ki mua o le sau o Esipito ko Falaone. Ti na mavae loa Sosefo meia Falaone, o ano o fakatele le fenua katoa o Esipito.

Lua tosi a Samuele 14:25

I Iselaele katoa, na leaise maua se tasi ke tupulaga ofaipe Apesalone ; mei ona taga vae o kaku ki le fa ulu na leaise maua fua se ga mele e tasi.

Taagapati 22:29

Kapau e ke tio ki se tagata leia e poto i le gaoi, E tonu ke gaoi a ia ki le sau ; E leaise tonu ke nofo fakapulipuli a ia.

Ekelesiasi 7:19

E fakaliliu e le poto le tagata poto o makeke ake i ni pule e kau agafulu i se kolo.

Esaia 36:11

Na pati loa Eliakimi, mo Sepina, mo Soake kia Lapesake : Masau mai ki au tagata fakasausau i le fakaalamea, talie e motou matala ki ai, kae aua se ke masau fakasutea mai ke logo ki ai le kakai leinei e tutuu i aluga o le paa.

Selemia 5:15

Ko leinei, e kau aumai loa mei mamao se puleaga kia koutou, fale o Iselaele ; E pati le Eteleno ; Ko se puleaga makeke a ia, ko se puleaga afea, Se puleaga leia e leaise ke iloa lana masau, Ti e leaise ke matala loa ki ana masau.

Taniela 2:10

Na tali loa le kau Kaletea ki le sau : E leaise tagata ai i le malama nei e mafai ia ke fakasa le nea leia e kole e le sau ; ti na leikiaise sau e tasi, pe lasi feaki lona pule mo lona makeke, kua fakamaua ia se nea felaaki ki se masi, pe ko se tagata sivi fetuu pe ko se Kaletea.

Taniela 2:2

Koia na kalagai ai loa e le sau le kau fai nea fakatalatupua, mo latou ala e sivi ia le anoaga o le temi, mo latou ala e fai nea fakatemonio, ti mo le kau Kaletea, ke lotou fakasa ake kiate ia ana moe miti. Na lotou au loa, o tuu i mua o le sau.

Taniela 3:8

Kae i le temi totonu lena, na fakafeofi ake loa ni tagata Kaletea, o fakalakasala le kau Sutea.

Taniela 4:7

Ti na au loa le kau fai nea fakatalatupua, mo le kau sivi fetuu, mo le kau Kaletea, ti mo le kau kikite. Na kau fakamatala loa kia latou le moe miti, kae na leaise lotou fakasa mai kiate au lona uiga.

Taniela 5:11

E maua se tagata i lou puleaga leia e nofo ai le laumalie o atua maokioki ; i le temi o lou tamana, na maua i le tagata lena le tio malama, mo se atamai, ti mo se poto, leia e tatau mo le poto o atua. Ti ko le sau ko Nepukatenesale, lou tamana, ei sau, na fakanofo ia a ia ko le pule o le kau fai nea fakatalatupua, mo le kau sivi fetuu, mo le kau Kaletea, ti mo le kau faikikite,

Taniela 5:7

Ti na kalaga loa le sau, o leo lasi, ke aumai latou ala e sivi ia a temi, mo le kau Kaletea, ti mo kau faikikite ; ti na pati loa le sau ki le kau poto o Papilone : Ko leia e lau ia loa le faitosi leinei ti mo fakamatala ia mai loa lona mauiga kiate au e fakakofu loa a ia ki le kofu kula, ti e fakatau loa se kasoa aulo ki lona ua, ti e maua loa e ia le tolu tuulaga o le puleaga.

Taniela 9:1

I le uluaki fetuu o Taliusi, vosa o Asuelusi, mei le sakoga o le kau Mete, leia na liliu ko le sau o le puleaga o le kau Kaletea,

Sakalia 2:4

Ti na pati loa a ia ki le aselo leia na au : Makape o masau ki le tama lena, o pati : E liliu loa Selusalemi ko se kolo mavaa, o tupu ko le api o tagata mo manu ala e nonofo loa i ai ;

Gaoi 7:20

I le temi lena, na tupu loa Moisese, leia na fulumalie ki mata o le Atua. Na fagai loa a ia i ni masina e tolu i le fale o lona tamana ;

Gaoi 7:22

Na ako loa Moisese i le poto katoa o le kau Esipito, ti na makeke a ia i masau mo gaoi.

Efeso 5:27

talie ke fakatuu i ona mua le Ekelesia lena i lona kololia, sala ila, sala mafetufetu, sala maimoa, kae maokioki mo lee mele.

Tuifakamaau 8:18

Na pati loa Seteone kia Sepaki mo Salamuna : Na feaki loa a tagata ala na kolua tamate i Tapole ? Ti na la tali loa : Na lotou fai pe koe ! Na agaaga le tagata taki toka tasi o latou pe se vosa o se sau.