Taagapati 9:8 - Tosi Tapu

⁸ Aua na ke valoki le tagata gologolo, na vesia a ia kiate koe ; Valoki le tagata poto, ti e alofa loa a ia kiate koe.

Taagapati 9:8 Iomraidhean Croise

Uluaki tosi o Sau 1:23

Na fakasa loa ki le sau, o pati : Ko leinei Natane, le polofeta ! Na ulu loa a ia ki mua o le sau, o tutuli o punou ona mata ki le kele i mua o le sau.

Uluaki tosi o Sau 1:32

Ti na pati loa le sau ko Tavite : Kalagai mai kiate au le tagata faisakilifisio ko Satoke, mo Natane, le polofeta, ti mo Penasa, vosa o Seosata. Na lotou ulu loa ki mua o le sau.

Uluaki tosi o Sau 22:8

Na tali loa le sau o Iselaele kia Sosafate : Koi i ai se tagata leia e feala ke tou afa ki ai le finegalo o le Eteleno ; kae e kau vesia kiate ia, talie e leaise kikite e ia se nea leia e malie kiate au, e kikite ata e ia le nea e veli : Ko Mikea, vosa o Simila. Ti na tali loa Sosafate : Ke aua se masau felaaki le sau !

Pesalemo 141:5

Ke taai au e le tagata agatonu, ko se kalasia a ia ; Ke tautea e ia au, ko se lolo a ia i loku ulu : E leaise mafuli kese loa loku ulu ; Kae e toe pale atu loa laku kole kiate koe o tupu ko le kau agaveli.

Taagapati 1:5

Ke fakalogo le tagata poto, ti e fakalasi loa e ia lona poto ; Ti ko leia e atamai e toe maua ia loa se tasi ake atamai,

Taagapati 10:8

Ko leia e poto i lona loto e tali ia a pelesepeto, Kae ko leia e valea i ona laugutu e makape ki lona maumau.

Taagapati 13:1

E fakalogo le vosa leia e poto ki le akonaki a lona tamana, Kae e leaise fakalogo ki le akonaki le vosa gologolo.

Taagapati 13:18

Ko le mativa mo le luma ko le vaega o leia e vesia ki le akonaki, Kae ko leia e tali ia le valoki e fakamauiga loa.

Taagapati 15:12

E leaise loto le tagata fia nealasi ke valoki, Ti e leaise ano a ia ki le kau poto.

Taagapati 19:25

Taai le tagata gologolo, ti e liliu loa le vale o poto ; Valoki le tagata atamai, ti e matala loa a ia ki le poto.

Taagapati 23:23

Totogi le maoki, ti aua na ke fakatau a ia, Mo le poto, mo le akonaki, ti mo le atamai.

Taagapati 23:9

Aua na ke masau ki taliga o le tagata valea, Talie e vesia a ia ki le poto o au masau.

Taagapati 28:23

Ko leia e valoki ia se tagata e maua ia se alofa o lasi ake I leia e masau fakalapulapu.

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Esaia 36:21

Kae na lotou fakaleemu, ti na leaise lotou tali fua ki se nea ; talie na tuku e le sau kia latou le fakatotonu leinei : E leaise kotou tali loa kiate ia.

Levitiko 19:17

Aua na ke vesia loa ki lou taina i lou loto ; e ke tokaga loa o valoki lou taina, o tupu ke aua na ke amo ia loa se agasala o tupu ko ia.

Mateo 15:14

Tuku noa latou : Ko ni kivi latou ala e taki ia ni kivi ; kapau e taki e se kivi se tasi a kivi, e la vivilo toka lua loa ki se popoko.

Mateo 7:6

Aua na kotou soli a nea tapu ki kuli, ti aua na kotou laku akoutou fuai kasoa ki mua o puaka, talie ke aua na lotou takatakafi loa latou ki olatou vae, ti ke aua na lotou mafuli mai loa, o sae koutou.