Taagapati 9:7 - Tosi Tapu

⁷ Ko leia e valoki ia le tagata gologolo e aumai ia le luma kiate ia, Ti ko leia e fakatonutonu ia le tagata agaveli e tali ia le lauveli.

Taagapati 9:7 Iomraidhean Croise

Uluaki tosi o Sau 18:17

I le tio loa a Akapo kia Elia, na pati loa a ia kiate ia : Pe ko koe leia e fakamaveuveu ia Iselaele ?

Uluaki tosi o Sau 21:20

Na pati loa Akapo kia Elia : Kua ke toe maua au, ei loku fili ? Ti na tali loa Elia : Kua kau maua a koe, talie kua ke fakatau a koe ke fai le nea leia e veli ki le Eteleno.

Uluaki tosi o Sau 22:24

Koia na fakafeofi ake loa Setesiasi, vosa o Kenaana, ti na paai loa e ia le kalaafau o Mikea, o pati : Pe na ulu atu ifea iate au le laumalie o le Eteleno ke masau kiate koe ?

Uluaki tosi o Sau 22:27

E ke pati loa : Ko leinei le masau a le sau : Kotou velo le tagata leinei ki le pilisoni, ti kotou fagai loa a ia ki le pane mo le vai o le mamae, o kaku ki laku toe liliu mai i le tokamalie.

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Sopo 5:17

Manuia le tagata leia e tautea e le Atua ! Aua na ke fakanoai le tautea mei le Mafimafi.

Taagapati 13:1

E fakalogo le vosa leia e poto ki le akonaki a lona tamana, Kae e leaise fakalogo ki le akonaki le vosa gologolo.

Taagapati 15:12

E leaise loto le tagata fia nealasi ke valoki, Ti e leaise ano a ia ki le kau poto.

Taagapati 23:9

Aua na ke masau ki taliga o le tagata valea, Talie e vesia a ia ki le poto o au masau.

Esaia 36:21

Kae na lotou fakaleemu, ti na leaise lotou tali fua ki se nea ; talie na tuku e le sau kia latou le fakatotonu leinei : E leaise kotou tali loa kiate ia.