Taagapati 8:7 - Tosi Tapu

⁷ Talie e fakasa e loku gutu le maoki, Ti e fakalialia oku laugutu ki le loi ;

Taagapati 8:7 Iomraidhean Croise

Sopo 36:4

Ke ke iloa fakapapau e leaise loi aku masau, Ti e maoki aku manatu i ou mua.

Pesalemo 37:30

E fakasa e le gutu o le tagata agatonu le poto, Ti e masau lona alelo i le maoki.

Taagapati 12:22

E fakalialia le Eteleno ki laugutu loi, Kae e malie kiate ia latou ala e gaoi i le maoki.

Taagapati 16:12

E fakalialia a sau i le fai o le veli, Talie e fakamakeke le ekeekeaga fakasau e le faitotonu.

Taagapati 29:27

E fakalialia le kau agatonu ki le tagata agaveli, Ti e fakalialia le kau agaveli ki leia e sako lona ala.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 17:17

Fakatapui latou ki le maoki, ko lau folafola ko le maoki.

Soane 18:37

Na pati loa Pilato kiate ia : Pe ko se sau koia a koe ? Na tali loa Sesu : E ke fakasa a ia, e kau sau. Na kau tupu ti na kau au ki le malama nei o fakamaoki ki le maoki. Ko leia e nofo i le maoki, e logo a ia ki loku leo.

Soane 8:14

Ti na tali loa Sesu kia latou : Kapau e kau fakamaoki kiate au totonu, e maoki laku fakamaoki, talie e kau iloa le ganea leia e kau au mei ai ti mo le ganea leia e kau ano ki ai ; kae ko koutou, e leaise kotou iloa pe kau au meifea ti e kau ano kifea.

Loma 15:8

Talie e kau pati atu kia koutou, na liliu Kilisito ko le tagata fakasausau a le kau silikosisio, o tupu ke fakasa ai le maoki o le Atua i lana fakasoko a fakapapau na fai ki otatou tamana,

Apokalipisi 3:14

Tosi ki le aselo o le Ekelesia o Laotise : Ko leinei le pati a le Amene, le tagata fakamaoki agatonu mo maoki, le tupuaga o nea ala na fakatupu e le Atua :