Taagapati 8:29 - Tosi Tapu

²⁹ I lana tuku se koiga ki le tai, Ke aua na fakalaka ona galu i le matatai, I lana teki a fakatafito o le kele,

Taagapati 8:29 Iomraidhean Croise

Sopo 26:10

Kua tosi e ia se laini takafuafua i aluga o atu vai, Ke koiga i le malama mo le fakapouli.

Pesalemo 104:5

Na fakatuu e ia le malama nei i ona fakatafito, E leaise taugaoi loa a ia i se aso.

Pesalemo 104:9

Na ke fakatuu loa se koiga ke aua na fakalaka a vai, O tupu ke aua na lotou toe au o ufiufi le kele.

Pesalemo 136:5

Ko ia leia na gaoi ia le lagi i lona atamai, Talie e lee gato lona manava alofa !

Pesalemo 33:7

E tanaki fakatuuga e ia a vai o le tai, Ti e tuku e ia ki ni tanakiaga vai a moana.

Taagapati 3:19

Ko le poto leia na fakatafito ai e le Eteleno le malama nei, Ti ko le atamai leia na fakatupu ai e ia le atu lagi ;

Taagapati 8:28

I lana fakapipi a ao i aluga, Ti mo lana fakafuafua le makeke o matapuna vai o le loloto,

Selemia 5:22

Pe leaise kotou i loa kiate au, e pati le Eteleno, Pe leaise kotou lulu loa i oku mua ? Ko au leia na soli ia le one ke fakagatogato ai le tai, Ko se koiga kua lau sekulo leia ke aua na fakalaka ai a ia ; Kapau e pale loa ona galu, kae e leaise lotou makeke ake loa ; Kapau e lotou gugulu, kae leaise lotou fakalaka loa i ai.

Soane 19:22

Na tali loa Pilato kia latou : Ko le nea leia kua kau tosi, kua kau tosi a ia.