Taagapati 8:20 - Tosi Tapu

²⁰ E kau saele i le ala o le faitotonu, I loto malie o ala o le maokioki,

Taagapati 8:20 Iomraidhean Croise

Pesalemo 23:3

E toe fakamakeke e ia loku laumalie. E taki e ia au i ala o le faitotonu, O tupu ko lona suafa.

Pesalemo 32:8

E kau ako loa kiate koe ti e kau fakasa loa kiate koe le ala leia e tonu ke ke muli ai. E kau tokoi loa kiate koe, ti e kau tuku tuumau loa oku mata kiate koe.

Taagapati 2:20

E ke saele loa i le ala o tagata agamalie, E ke taupau loa a ala o le kau agatonu.

Taagapati 2:9

Ti e ke matala loa ki le faitotonu, mo le agatonu, Mo le loto sako, mo ala fuli ala e taki ia ki le malie.

Taagapati 3:6

Ke ke fanaki kiate ia i ou ala fuli, Ti e fakatokatoka loa e ia ou ala.

Taagapati 6:22

E lotou taki loa a koe i lau saele, E lotou taupau loa a koe i lou moeaga, E lotou masau loa kiate koe i lou ala.

Taagapati 8:19

E malie ake aku nea alofa i le aulo, i le aulo mea ; Ti e malie ake loku fua i le siliva mea.

Taagapati 8:21

Ke soli ni nea malilie kia latou ala e alofa kiate au, Ti ke fakaapele olatou tanakiaga koloa fakapulipuli.

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 55:4

Ko leinei, na kau fakanofo a ia ke fakamaoki i mua o ni kakai, Ke takimua mo pule ki atu puleaga.

Soane 10:3

E fakamavaa kiate ia e le tagata leo, ti e logo ki lona leo le kau ovi ; e kalagai e ia ana ovi i olatou igoa taki tasi, ti e taki e ia latou ki fafo.

Tetelonome 5:32

Koia ke kotou tokaga ai o fai le nea leia na fakatotonu kia koutou e le Eteleno, lokoutou Atua. Ke aua na kotou maliu loa ki le fetuu atamai pe ko le fetuu sema.

Apokalipisi 7:17

Talie ko le Akeno leia e nofo i loto malie o le ekeekeaga fakasau e fagai ia loa latou ti mo taki ia loa latou ki matapuna o le vai mauli, ti e solosoloi loa e le Atua a loimata fuli i olatou mata.