Taagapati 8:15 - Tosi Tapu

¹⁵ Iate au e nofo ai a sau, Ti e fakatotonu ai e le kau pule le nea leia e totonu.

Taagapati 8:15 Iomraidhean Croise

Uluaki tosi o Sau 10:9

Ke fakafetai ki le Eteleno, lou Atua, leia na tuku ia kiate koe le kalasia ke nofo i le ekeekeaga fakasau o Iselaele ! E tupu ko le alofa lee gato o le Eteleno ki Iselaele, leia kua fakanofo ai a koe e le Eteleno ko le sau o tupu ke ke fai le fakamaau mo le faitotonu.

Uluaki tosi o Sau 3:28

Na logo loa Iselaele katoa ki le fakamaau leia na fai e le sau. Ti na lotou i loa ki le sau, talie na lotou tio kua nofo le poto o le Atua iate ia, o taki a ia i ana fakamaau.

Uluaki tosi o Sau 3:9

Koia ke ke soli ki lau tagata fakasausau se loto poto ke fakamaaui ai lou kakai, ke tio ai ki le nea leia e malie mo le nea leia e veli ! Talie ko ai e mafai ia loa ke fakamaaui ia lou kakai, le kakai api leinei ?

Uluaki tosi o Sau 5:7

I le logo a Ilame ki masau a Salomone, na fiafia lasi loa a ia, ti na pati loa a ia : Ke fakafetai i le aso nei ki le Eteleno, leia kua soli ia kia Tavite se vosa poto ke pule ki le kakai api lena !

Uluaki tosi o Koloniko 28:5

I oku vosa fuli, talie na soli mai e le Eteleno kiate au ni vosa mauke, na filifili e ia loku vosa ko Salomone ke eke ki le ekeekeaga fakasau o le puleaga o le Eteleno ke sau ki Iselaele.

Lua tosi o Koloniko 1:10

Soli mai foki kiate au le poto mo le iloa, o tupu ke kau iloa le saele i mua o le kakai leinei ! talie ko ai e mafai ia loa ke fakamaaui ia lou kakai, le kakai lasi leinei ?

Lua tosi o Koloniko 1:11

Na pati loa le Atua kia Salomone : O tupu ko lena le manatu o lou loto, o tupu na leaise ke kole ia ni koloa, pe ko ni nea malilie, pe ko le kololia, pe ko le mate o ou fili, pe ko se mauli fualoa, kae e ke kole kiate koe se poto mo se iloa o tupu ke fakamaaui loku kakai leia kua kau fakasau a koe ki ai,

Pesalemo 2:10

Ti ko leinei, kau sau, ke kotou takitaki i le poto ! Kau tui fakamaau o le malama nei, ke kotou tali aku akonaki !

Pesalemo 99:4

Ke fakamalo ki le makeke o le sau leia e alofa ki le faitotonu ! E ke fakamakeke le maokioki, E ke fai le faitotonu mo le maoki i le fale o Sakopo.

Taagapati 29:4

E fakamakeke e le sau le fenua i le faitotonu, Kae ko leia e tali ia ni nea alofa e fakamativa ia a ia.

Taagapati 8:16

Iate au e lagiaki ai a pule, Mo le kau lalasi, ti mo le kau tui fakamaau fuli o le malama nei.

Esaia 1:26

E kau toe fakanofo loa ou tui fakamaau ofaipe le temi mua, Ti mo ou kau fono ofaipe le kamataaga. I le oki o le nea aia, e fakaigoa loa a koe ko le kolo o le faitotonu, Kolo agatonu.

Selemia 33:15

I aso ana ti mo le temi lena, E kau fakatupu loa kia Tavite se uli Maokioki ; E fai loa e ia le faitotonu mo le maoki i le fenua.

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Taniela 4:25

E kapu loa a koe mei loto malie o tagata, ti e ke maua loa lou nofoaga i loto malie o manu o faisaga, ti e tuku loa kiate koe se mutie ke kai, ofaipe pipi ; e susu loa a koe i le sasau o le lagi, ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Mateo 28:18

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.

Loma 13:1

Ke fakataulalo a tagata fuli ki pule taualuga ; talie e leai se pule leia e leaise au mei le Atua, ti ko latou ala kua fakanofo, na fakanofo latou e le Atua.

Apokalipisi 19:11

Ti na oki a ia, na kau tio loa kua mavaa le lagi, ti ko leinei, na sa loa se osi tea. Ko leia na eke i ai e igoa ko Agatonu mo Maoki, ti e fakamaaui e ia, ti e tau a ia i le faitotonu.

Apokalipisi 19:16

Ti na tuu i lona pulupulu mo lona kauaga se igoa kua tosi : Sau o atu sau, mo Aliki o atu aliki.

Uluaki tosi a Samuele 16:1

Na pati loa le Eteleno kia Samuele : E tuku loa afea lau tagi kia Saulo ? Kua kau tiaki a ia, ke aua na toe pule a ia i Iselaele. Ke ke fakaapele lau talai manu ki le lolo, ti ke ano ; e kau kakau loa a koe kia Isaia, ko le tagata Peteleemi, talie kua kau tio i ona vosa ki leia e kau loto ke sau.

Uluaki tosi a Samuele 9:17

I le tio a Samuele kia Saulo, na pati loa le Eteleno kiate ia : Ko leinei le tagata leia na kau masau atu ki ai ; ko ia leia e pule loa ki loku kakai.