Taagapati 8:13 - Tosi Tapu

¹³ Ko le i ki le Eteleno, ko le vesia a ia ki le veli ; Ko le fia nealasi mo le fia taualuga, ko le ala a ia o le veli ; Ti ko le gutu veli, ko lena le nea e kau vesia ki ai.

Taagapati 8:13 Iomraidhean Croise

Sopo 1:1

Na i ai se tagata i le fenua ko Usi leia na igoa ko Sopo. Ti na saosaoa mo agatonu le tagata lena ; ti na i a ia ki le Atua, ti na fakamamao a ia mei le veli.

Sopo 28:28

Ti oki, na pati loa a ia ki le tagata : Ko leinei, ko le i ki le Eteleno ko le poto ; Ko le fakamamao mei le veli ko le atamai.

Pesalemo 101:3

E leaise kau tuku loa se nea veli i oku mua ; E kau vesia ki le mauli o le kau agasala ; E leaise pipiki mai loa a ia kiate au.

Pesalemo 119:104

E kau liliu o atamai i au fakatotonu, Koia e kau vesia ai ki ala fuli o le loi.

Pesalemo 119:128

Koia e kau pati ai e totonu au fakatotonu fuli ; Ti e kau vesia ai ki ala fuli o le loi.

Pesalemo 138:6

E taualuga le Eteleno : e tio a ia ki le kau agamalu, Ti e iloa e ia mei mamao le kau fia taualuga.

Pesalemo 97:10

Koutou ala e alofa ki le Eteleno, kotou vesia ki le veli ! E taupau e ia a laumalie o lana kau agatonu, E saofaki e ia latou i le lima o le kau agaveli.

Ekesote 1:17

Kae na i loa a fafine faifanau ki le Atua, ti na leaise la fakalogo loa ki le nea leia na pati ki ai le sau o Esipito ; kae na la tuku loa ke mauli a toe.

Taagapati 10:31

E au mei le gutu o le tagata agatonu le poto, Kae e motusi loa le alelo veli.

Taagapati 15:9

E fakalialia le Eteleno ki le ala o le tagata agaveli, Kae e alofa a ia ki le tagata leia e muli i le maokioki.

Taagapati 16:18

E muamua le fia nealasi i le maumau, Ti ko le loto fia masiki i le siga.

Taagapati 16:5

E fakalialia le Eteleno ki lotu fuli e fia taualuga ; Ti e tautea maoki loa e ia latou i se aso.

Taagapati 16:6

I le agamalie mo le agatonu e fakamolemole ai ki le agaveli, Ti i le i ki le Eteleno e tafoki ai mei le veli.

Taagapati 3:7

Aua na ke poto i ou mata totonu, I ki le Eteleno, ti ke tafoki i le veli :

Taagapati 4:24

Fakamamao i lou gutu le loi, Fakamamao i ou laugutu a masau pikopiko.

Taagapati 6:12

Ko le tagata agaveli, le tagata agasala, E saele mo le kaka i lona gutu ;

Esaia 13:11

E kau tautea loa le malama nei o tupu ko lana agasala, Ti mo le kau agaveli o tupu ko alatou agaveveli ; E kau fakagato loa le fia nealasi o le kau fia taualuga, Ti e kau tuuti loa le fia tagata o le kau agamakeke.

Amosi 5:15

Kotou vesia ki le veli ti kotou alofa ki le malie, Kotou fakamaau i le faitotonu ; Ti e lagi alofa loa le Eteleno, le Atua o kau tau, Ki toetoega o Sosefo.

Amosi 6:8

Kua fakapapau le Aliki, le Eteleno, iate ia totonu ; Kua pati le Eteleno, le Atua o kau tau : E kau fakalialia ki le fia nealasi o Sakopo, Ti e kau vesia ki ona fale sau ; E kau tuku loa ki le fili le kolo mo nea fuli i loto.

Sakalia 8:17

Aua na maua e se tasi i lona loto se manatu veli ki lona oloi, ti ke aua na kotou fakamaoki loi, talie e kau fakalialia ki nea fuli ana.

Loma 12:9

Ke puli le malualoi i le alofa. Ke kotou fakalialia ki le veli ti ke kotou pipiki fakamakeke ki le malie.

Uluaki tosi ki le kau Tesalonika 5:22

kotou fakamamao mei nea fuli e veli.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.

Uluaki tosi a Samuele 2:3

Aua na kotou toe masau fia nealasi ; Ke aua na mapuna mai le masau makeke i lokoutou gutu ; Talie ko le Eteleno ko se Atua leia e iloa ia a nea fuli, Ti ko ia leia e fua ia a gaoi fuli.