Taagapati 7:10 - Tosi Tapu

¹⁰ Ti ko leinei, na fakafetaulaki mai kiate ia se fafine, Leia na kofu ofaipe se fafine faiaga ti na nofo mo le kaka i le loto.

Taagapati 7:10 Iomraidhean Croise

Senesi 3:1

Na poto lasi ake le gata i manu fuli o le vao ala na fakatupu e le Eteleno Atua. Na pati loa a ia ki le fafine : Pe na pati maoki atu le Atua : E leaise kolua kai loa ki laakau fuli o le oloto ?

Lua tosi o Sau 9:22

I le temi fai leia na tio ai loa Solame kia Seu, na pati loa a ia : Pe ko le tokamalie, Seu ? Na tali loa Seu : Le tokamalie fea ! Kae kua ke iloa malie koi soko atu fai e lou tinana ko Sesapele lana tausi ki taulaatua mo lana fai a nea fakatemonio !

Lua tosi o Sau 9:30

Na ulu loa a Seu ki Siseleele. I le logo loa a Sesapele ki le nea lena, na pena loa e ia ona mata mo teuteui loa e ia lona fa ulu, ti na tuu loa a ia o tio mei le katupa.

Taagapati 23:28

E fakatuu e ia ni masele ofaipe se tagata kaia, Ti e fakalasi e ia le kau agasala i lotolotoga o tagata.

Esaia 23:16

Too le alepe, ano i le kolo, A koe, fafine faiaga, leia na galoi ! Ta lau alepe ke malie, toe sua ke malie au sua O tupu ke toe manatui a koe e le kakai !

Selemia 4:30

Ti ko koe, leia na maumaui, kolea loa ka ke fai ? E ke teu kula loa, e ke tui loa ni nea fakateuteu aulo, E ke pena loa ou mata ki vali ; Kae e leaise aoga fua o lou fakafulumalie, Talie e vesia au feauaki kiate koe, E lotou loto ki lou mauli.

Uluaki tosi kia Timoteo 2:9

E kau loto foki ke teu a fafine ki ni kofu ala e gali mo latou, mo mata fakaapaapa ti mo mata fakataulalo, kae aua na lotou teuteu ki ni kaufiliga, mo ni aulo, mo ni fuai kasoa, ti mo ni teu totogi veli,