Taagapati 6:17 - Tosi Tapu

¹⁷ Ko mata ala e fia nealasi, mo le alelo leia e loi, Mo lima ala e liligi ia le toto saosaoa,

Taagapati 6:17 Iomraidhean Croise

Lua tosi o Sau 21:16

Na liligi foki e Manase le toto mea o lasi ai, o kaku ki le fakaapele o Selusalemi mei leia a potu ki leia a potu, kae kese fai a agasala fuli ala na fai e ia ti na fakaagasalai ai e ia a Suta, o fai le nea leia e veli ki mata o le Eteleno.

Lua tosi o Sau 24:4

ti mo le toto leia na liligi noa e Manase, ti mo tukipo ala na fakaapele e ia ki ai a Selusalemi. Koia na leaise loto ai le Eteleno ke fakamolemole kia latou.

Pesalemo 10:4

E pati le tagata agaveli i lona fia nealasi : E leaise fakatua e ia ! E leaise Atua ! - Ko na ana manatu fuli.

Pesalemo 101:5

Ko leia e lauveli fakafufu ki lona oloi, E kau tapono ia loa lona gutu. Ko leia e maua ia ni mata matasoka mo se loto fia nealasi, e leaise kau kataki loa kiate ia.

Pesalemo 131:1

Katiko o le fanoga tapu. A Tavite. Eteleno ! e leaise kau maua se loto leia e fia nealasi, Pe ko ni mata ala e fia aliki ; E leaise kau tokaga ki ni nea lalasi mo taualuga ake iate au.

Pesalemo 18:27

Ki leia e mea e ke fakasa lou mea, Ki leia e agatuu e ke fai o mulimuli ki lana agatuu.

Pesalemo 31:18

Eteleno, ke aua na kau luma mo ka kau fetapa kiate koe ! Kae ke luma le kau agaveli, Ke lotou ifo fakalologo ki le nofoaga o le kau mate !

Pesalemo 5:6

E leaise tutuu le kau vale i ou mua ; Ti e ke vesia kia latou fuli ala e fai ia le agaveli.

Pesalemo 5:7

E ke tamate le kau gutu loiloi ; Ti e fakalialia le Eteleno ki le kau tukipo mo le kau kaia.

Taagapati 1:11

Kapau e lotou pati : Au mo matou ! tou mumuni, tou liligi le toto, Tou fai ni masele ki leia e malolo i lona saosaoa,

Taagapati 1:16

Talie e makape olatou vae ki le veli, Ti e lotou fakatavili o liligi le toto.

Taagapati 12:22

E fakalialia le Eteleno ki laugutu loi, Kae e malie kiate ia latou ala e gaoi i le maoki.

Taagapati 14:5

E leaise loi se tagata fakamaoki agatonu, Kae e loi ata le tagata fakamaoki loi.

Taagapati 16:5

E fakalialia le Eteleno ki lotu fuli e fia taualuga ; Ti e tautea maoki loa e ia latou i se aso.

Taagapati 17:7

E leaise gali masau fakaapaapa mo le tagata valea ; Ti e tatau foki mo masau loi, e leaise lotou gali mo se tagata aliki.

Taagapati 21:4

Ko ni mata fia taualuga mo se loto fia nealasi, Ko nea ana e fakasa ia le agasala a le kau agaveli.

Taagapati 26:28

E vesia le alelo loi kia latou ala na lavea iate ia, Ti e teuteu e le gutu fakalapulapu le malaia.

Taagapati 28:17

Ko se tagata leia e nofo mo se tukipo i lona loto E sola o kaku ki le popoko : ke aua na taofi a ia !

Taagapati 30:13

E i ai se tau tagata leia e apele ona mata i le vesia, Ti e tio fakaveli ki tagata fuli.

Taagapati 6:16

E vesia le Eteleno ki nea e ono, Ti e fakalialia foki a ia ki nea e fitu :

Esaia 1:15

Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 3:16

E folafola le Eteleno : O tupu e fia nealasi a taineliki o Sione, Ti e lotou saele o fakatuu sako olotou ulu, Talie e lotou mata mamalu, Ti e lotou ano soposopo ke fakatatagi ai a matemate o olatou vae,

Esaia 3:9

E fakamaoki olatou mata kia latou, Ti e lotou fakasa fakalauatea alatou agasala ofaipe Sotoma. Malaia ki olatou laumalie ! Talie e lotou teuteu le malaia kia latou totonu.

Selemia 26:15

Kae ke kotou iloa fua, kapau e kotou tamate au, e kotou amo loa le toto mea, e koutou, mo le kolo leinei, mo lona kakai ; talie na kakau maoki mai au e le Eteleno kia koutou, ke fakasa ki okoutou taliga a folafola fuli anei.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Tetelonome 19:10

o tupu ke aua na liligi loa le toto mea i loto malie o le fenua leia e soli atu kiate koe e le Eteleno, lou Atua, ke ke maua tofiga, ti ke aua na ke agasala loa i se tukipo.

Tetelonome 27:25

Ke malaia le tagata leia e tali ia loa se moliga ke liligi ai le toto o le tagata mea ! Ti e pati loa le kakai katoa : Amene !

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !