Taagapati 5:22 - Tosi Tapu

²² E saisai le tagata agaveli e ana aga veveli totonu, E tapo a ia e va o lana agasala.

Taagapati 5:22 Iomraidhean Croise

Uluaki tosi o Sau 18:18

Na tali loa Elia : E leaise kau fakamaveuveu ia Iselaele ; ko koe mo le fale o lou tamana ala e fakamaveuveu ia Iselaele, talie kua kotou tiaki a fakatotonu a le Eteleno ti kua ke ano o tausi kia Paale.

Esitele 9:25

Kae i le ano a Esitele ki mua o le sau, na fakatotonu loa e le sau i se tosi ke toe fakavilo ki le ulu o Amane le fakatuutuu veli leia na fai e ia ki le kau Sutea, ti ke tautau a ia ki le laakau, a ia mo ona vosa.

Sopo 18:8

Talie kua teki ona vae ki se kupega, Ti kua saele a ia i pu o le kupega.

Pesalemo 40:12

Ko koe, Eteleno ! e leaise ke fakafiti loa kiate au lou manava alofa ; E taupau loa au e lou agamalie mo lou agatonu o lee gato.

Pesalemo 9:15

O tupu ke kau fakasa ou fakavikiviki fuli I matapa o le taine o Sione, Ti ke kau fiafia ki lou fakamauli.

Pesalemo 9:17

E fakasa e le Eteleno lona anoaga totonu, e fakasa e ia lona faitotonu : E sai e ia le tagata agaveli ki le gaoi o ona lima. -Musika. -Manava.

Taagapati 1:18

Kae ko latou, e lotou fakatuu ni masele ki lolatou toto totonu ; E lotou lamalama fakafufu olatou laumalie totonu.

Taagapati 11:3

E taki le tagata agatonu e lona agatonu, Kae e maumaui le tagata agaveli e lana agaveli.

Taagapati 11:5

E fakatokatoka e le faitotonu le ala o le tagata agatonu ; Kae e vilo le tagata agaveli i lana agasala.

Taagapati 11:6

E saofaki le tagata agatonu e lona faitotonu ; Kae e fakamauatoka le tagata agaveli e lana kaka.

Taagapati 12:14

E feala ke logologona le tagata i masau o lona gutu, Kae e fakapale le tagata taki toka tasi o mulimuli ki le gaoi o ona lima.

Taagapati 14:32

E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Taagapati 18:7

E fakatupu e le gutu o le tagata valea lona maumau, Ti ko ona laugutu ko se masele ki lona laumalie.

Taagapati 24:12

Kapau e ke pati : a ! na leaise motou iloa !… Pe leaise iloa a ia e leia e fuafua ia le mamafa o loto ? Pe leaise iloa a ia e leia e taupau ia lou laumalie ? Pe leaise totogi loa e ia ki le tagata taki toka tasi o mulimuli ki ana gaoi ?

Taagapati 26:27

Ko leia e kenu ia se popoko e vilo ki ai, Ti e toe teka le fatu ki leia na fulusi ia a ia.

Ekelesiasi 7:26

Ti na kau maua foki e kona ake i le mate le fafine leia e tatau lona loto mo se masele ti mo se kupega, ti e tatau ona lima mo ni sai. Kae ko leia e malie ki mata o le Atua e sao loa mei le fafine lena, kae e piki ia loa le tagata agasala i lana masele.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Tagi laulau a Selemia 1:14

Na sai e lona lima le kavega o aku agaveli ; Ti na lotou fui ia ti mo sai ia loku ua ; Na fatii e ia loku makeke ; Na tuku au e le Aliki ki ni lima ala e leaise mafai ke kau tuu ki ai.

Apetiasi 1:15

Talie kua ofi mai le aso o le Eteleno, ki atu puleaga fuli ; E fai loa kiate koe o mulimuli ki le nea leia na ke fai. E vilo loa au gaoi ki lou ulu.

Numelo 32:23

Kae kapau e leaise kotou fai fenaaki loa, e kotou agasala loa ki le Eteleno ; ti ke kotou iloa e toe maua loa koutou e lakoutou agasala.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Tuifakamaau 20:41

Ti na maliu ake loa a tagata o Iselaele, o osoi fakapunamauli loa a vosa o Pesamino. Ti na ofolele loa a vosa o Pesamino i le tio ki le malaia kua soko kia latou.

Tuifakamaau 9:57

Ti na totogi foki e ia ki le kakai o Siseme le veli katoa leia na lotou aga o fai. Na soko katoa loa le malaia leia na tuku kia latou e Sotame, vosa o Selupaale.