Taagapati 5:21 - Tosi Tapu

²¹ Talie e tuu a ala o le tagata i mua o le Eteleno, Leia e tio ki ona ala fuli.

Taagapati 5:21 Iomraidhean Croise

Lua tosi o Koloniko 16:9

Talie e taka a mata o le Eteleno i le malama nei katoa, o tupu ke tokoi kia latou ala e tuku katoa olatou loto kiate ia. I le nea lena, kua ke fai pe se vale, koia i le temi nei e ke maua ia loa ni tau.

Sopo 14:16

Kae i le aso nei e ke lau oku lakaaga, Ti e tuku tuumau lou mata ki aku agasala ;

Sopo 24:23

E soli e le Atua kia latou le fimalie mo le fanaki, Ti e leoleo e ia olatou ala.

Sopo 31:4

Pe na leaise iloa e le Atua oku ala ? Pe na leaise lau e ia oku lakaaga fuli ?

Sopo 34:21

Talie e tio le Atua ki le mauli o tagata fuli, Ti e tuku ona mata ki lakaaga o le tagata taki toka tasi.

Pesalemo 11:4

E nofo le Eteleno i lona fale maokioki, E maua e le Eteleno lona ekeekeaga fakasau i le lagi ; E tio ona mata, E tilo e ona laumata a vosa o le tagata.

Pesalemo 119:168

E kau tausi au fakatotonu mo au pelesepeto, Talie e tuu oku ala fuli i ou mua.

Pesalemo 17:3

Kapau e ke tilo loku loto, kapau e ke asiasi ki ai i le pouli, Kapau e ke asiasii au, e leaise ke maua loa se nea : E leaise kese laku manatu i le nea leia e vilo mei loku gutu.

Taagapati 15:3

E ave a mata o le Eteleno i potu fuli, ke tio ki le kau agaveli mo le kau agamalie.

Taagapati 4:26

Fakakaukau ki le ala leia e ke ano ai, Ti ke tuku ou vae i se ala totonu.

Taagapati 5:6

E leaise mulimuli a ia i le ala o le mauli ; E sese a ia i ona ala, e leaise iloa e ia le ganea e ano a ia ki ai.

Selemia 16:17

Talie e tokaga oku mata ki olatou ala fuli, E leaise munia olatou ala i oku mua, Ti e leaise puli alatou agaveli ki oku mata.

Selemia 17:10

Ko au, le Eteleno, e kau tio o kaku ki le mafu, ti e kau iloa a manatu fakapulipuli o le laumalie, Ke tuku ki le tagata taki tasi o mulimuli ki ona ala, O mulimuli ki le fua o ana gaoi.

Selemia 23:24

Pe tuu loa se tasi i se ganea munia, Kae leaise kau tio kiate ia ? e pati le Eteleno. Pe leaise kau fakaapele ia a atu lagi mo le kele ? e pati le Eteleno.

Selemia 29:23

Ti e soko loa le nea lena, o tupu kua la fai se nea fakalialia i Iselaele, o la tono mo avaga o ola oloi, ti mo la fakasa ni loi i loku suafa, kae na leaise kau tuku fua kia laua se fakatotonu. E kau iloa a nea ana, ti e kau fakamaoki ki ai, e pati le Eteleno.

Selemia 32:19

E ke lasi i au fakatuutuu ti e ke mafimafi i gaoi. E tio ou mata ki ala fuli o fanau a tagata, Ke totogi ki le tagata taki tasi o mulimuli ki ona ala, O mulimuli ki le fua o ana gaoi.

Oseo 7:2

E leaise lotou pati fua i olatou loto E kau iloa alatou agaveli ; I le lakaga nei e takatakai latou e alatou gaoi, E lotou tuu i oku mua.

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.

Apokalipisi 2:18

Tosi ki le aselo o le Ekelesia o Tiatile : Ko leinei le nea leia e pati ki ai le Alo o le Atua, leia e tatau ona mata mo se ula o se afi, ti e tatau ona vae mo se sila kaka :

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.